TƆM PƆZƲƲ 2
Ɛbɛ pɩwɛɛ se ŋla nɛ ŋtɩlɩ Ɛsɔ?
«Pɩfɛyɩ se Paɣtʋ takayaɣ kanɛ koposini ñɔ-nɔɔ, nɛ pɩwɛɛ se ŋkalɩɣ-kɛ nɛ ŋmaɣzɩɣ ka-taa tɔm yɔɔ wɩsɩ nɛ ɖoo, pɩsa nɛ ŋɖɔ tɔm ndʋ pama ka-taa yɔ tɩ-tɩŋa tɩ-yɔɔ camɩyɛ; mbʋ pʋyɔɔ yɔ, mbʋ kaɣnɩ yebu nɛ pɩɖɔmnɩ-ŋ camɩyɛ nɛ ŋwɛɛ lɛɣtʋ ña-lakasɩ taa.»
«Paawɛɛ nɛ pakalɩɣ takayaɣ taa tɔm, Ɛsɔ toovenim tʋ Paɣtʋ nɛ nɔɔ kɩkʋyaɣ, palɩzɩɣ tɩ-taa camɩyɛ nɛ peyeki nɛ panɩɣ tɩ-tɔbʋʋ; mbʋ pasɩnɩ samaɣ se kanɩɩ tɔm ndʋ pakalaɣ yɔ tɩ-taa.»
«Koboyaɣ tʋ lɛ ɛyʋ weyi ɛɛɖɔŋ kañatʋ tɩnaa lɔŋ tasʋʋ yɔɔ yɔ . . . , ɛlɛ ɛnɩɣ leleŋ Yehowa paɣtʋ taa, nɛ ɛkalɩɣ Ɛ-paɣtʋ e-liu tɛɛ wɩsɩ nɛ ɖoo. . . . Mbʋ payɩ ɛlakɩ yɔ, pɩkaɣ-ɩ ɖɔmnʋʋ camɩyɛ.»
«Filiipu se nɛ ewolo kɩ-cɔlɔ nɛ ɛnɩɩ ɛwɛɛ nɛ ɛkalɩɣ nayʋ Izaayii takayaɣ nɛ nɔɔ kɩkʋyaɣ, nɛ ɛpɔzɩ-ɩ se: “Toovenim taa lɛ, ŋnɩɣ tɔm ndʋ ŋwɛɛ nɛ ŋkalɩɣ yɔ tɩ-tɔbʋʋ na?” Ecosi-i se: “Toovenim taa lɛ, ye nɔɔyʋ ɛtɩwɩlɩ-m yɔ, ɛzɩma manpɩzɩɣ nɛ manɩɩ tɩ-tɔbʋʋ?” »
«Ɛ-wɛtʋ kɩbandʋ ndʋ tɩɩnaɣnɩ ɛsa yɔ, pɩnaɣ-tʋ kpayɩ kpayɩ kpaɣnɩ alɩwaatʋ ndʋ palɩzɩ ɛjaɖɛ yɔ; mbʋ pʋyɔɔ yɔ panaɣ-tʋ wondu ndʋ ɛlɩzaa yɔ tɩ-taa, halɩ panaɣ ɛ-tamtam ɖoŋ nɛ panaɣ se ɛnʋ kɛnɩ Ɛsɔ, nɛ pʋyɔɔ lɛ pɛfɛyɩnɩ kawanaɣ nakɛyɛ.»
«Maɣzɩ tɔm ndʋ tɩ-yɔɔ; kam-tʋ nɛ ñʋʋ, se pɩsa nɛ ɛyaa tɩŋa na kaɣlaa se ŋwɛɛ nɛ ŋwokini ɛsɩndaa.»
«Iyele nɛ ɖɩmaɣzɩ ɖama yɔɔ nɛ ɖiseɣti ɖama nɛ ɖɩwɛɛnɩ sɔɔlɩm nɛ ɖɩla tʋma kɩbana, ɖitaayeki ɖama kpeɣluu.»
«Ye mɩ-taa nɔɔyʋ ɛfɛyɩnɩ lɔŋsɩnɖɛ yɔ, ɛwɛɛ nɛ ɛpɔzʋʋ-ɖɩ Ɛsɔ, mbʋ pʋyɔɔ yɔ ɛhaɣ ɛyaa kpeekpe faaa nɛ ɛɛkalɩɣ, nɛ ɛkaɣ-ɩ ɖɩ haʋ.»