Suwe Bibl Yɔɔdʋʋ?

Ðɩwɛ “kɛdɛzaɣ kɩyakɩŋ” taa toovenim na?

Ŋmaɣzɩɣ suwe?

• Ɛɛɛ

• Aayɩ

• Pɩtɩla

Ndʋ Bibl yɔɔdʋʋ yɔ

“[Kɛdɛzaɣ kɩyakɩŋ] taa lɛ, pɩkaɣ wɛʋ kaɖɛ pɩŋŋ.” (2 Timootee 3:1) Bibl taa natʋ tɔm, nɛ mbʋ piɖiɣni labʋ sɔnɔ yɔ, pɩwɩlɩɣ se ɖɩwɛ “kɛdɛzaɣ kɩyakɩŋ” taa.

Tɔm ndʋ ɖɔɖɔ Bibl wɩlɩɣ-ɖʋ?

• Mbʋ mbʋ pɩkaɣ labʋ kɛdɛzaɣ kɩyakɩŋ taa yɔ, pɩ-taa nabʋyʋ lɛ: Yoŋ, ñɔɔsɩ, tɛtʋ ñamsʋʋ nɛ kʋdɔmɩŋ ndɩ ndɩ.—Maatiyee 24:3, 7; Luka 21:11.

• Kɛdɛzaɣ kɩyakɩŋ taa lɛ, ɛyaa kaɣ caɣʋ wezuu kɩdɛkɛdʋʋ siŋŋ nɛ paakaɣ kpaɣʋ Ɛsɔtɔm nɛ payaa pʋyʋ.—2 Timootee 3:2-5.

Ɛbɛ cee wayɩ kaɣ-ɖʋ kɔnʋʋ?

Ɛyaa nabɛyɛ maɣzɩɣ se . . . alɩwaatʋ ndʋ kɛdɛzaɣ kɩyakɩŋ sɩɣ tɩnaɣ yɔ, paɖɩzɩɣ tɛtʋ nɛ mba payɩ pɛwɛ tɩ-yɔɔ yɔ, ɛlɛ lalaa ñamaɣzɩɣ se ɛjaɖɛ kaɣ ñɔɔzʋʋ. Ña yɔ, suwe ñamaɣzɩɣ?

Suwe Bibl yɔɔdʋʋ?

“Siɣsiɣ tʋ tɩnɩ tɛtʋ, ɛwɛɣ tɩ-yɔɔ tam.”—Keɣa 36:29.

Ɛbɛ ɖɔɖɔ ɖɩkpɛlɩkɩɣ Bibl taa?

• Pakaɣ ɖɩzʋʋ ɛyaa kɩdɛkɛdaa alɩwaatʋ ndʋ kɛdɛzaɣ kɩyakɩŋ sɩɣ tɩnaɣ yɔ.—1 Yohanɛɛsɩ 2:17.

• Tɛtʋ kaɣ pɩsʋʋ Paradisuu.—Izaayii 35:1, 6.