Taa Yehowa liu se ɛpɩzɩɣ nɛ ɛya ña-ñʋʋ

Kalɩ Kɩgalʋʋ 13:25–14:4 nɛ ŋna mbʋ pɩwɩlɩɣ se Izrayɛɛlɩ mba tɩtaa Yehowa liu yɔ.

Ñɩnɩ nɛ ŋtɩlɩ tɔm ndʋ tɩcɔ kɛdaɣ ŋga nɛ tɩta yɔ. Ɛbɛ yɔɔ pɩɩwɛɛ se Izrayɛɛlɩ mba ɩtaa Yehowa liu se ɛpɩzɩɣ nɛ ɛya pa-ñʋʋ alɩwaatʋ ndʋ palɩnɩ Ejipiti yɔ? (Keɣ. 78:​12-16, 43-53) Ɛbɛ yeba nɛ patɩtaa Yehowa liu? (Wp. 1:​26-28) Ɛzɩma Yozuwee nɛ Kalɛɛbɩ pawɩlaa se pataɣ Yehowa liu?—Kɩg. 14:​6-9.

Tazɩ nɛ pilimi. Ɛbɛ Izrayɛɛlɩ mba pɩzaɣ se pala nɛ pɩsɩnɩ-wɛ nɛ pataa Yehowa liu nɛ pɩkɩlɩ? (Keɣ. 9:10; 22:4; 78:11) Nɔɔ kʋɖʋmaɣ ŋga wɛ Yehowa liu taʋ nɛ Yehowa ñam pɛ-hɛkʋ taa?—Kɩg. 14:11.

Ñɩnɩ nɛ ŋna lɔŋ weyi kɛdaɣ ŋga kɛkpɛlɩkɩɣ-ŋ yɔ. Pɔzɩ ña-tɩ se:

• «Wɛtʋ ndʋ pɩzɩɣ tiyele nɛ pɩwɛ-m kaɖɛ se mantaa Yehowa liu kiya?»

• «Ɛbɛ manpɩzɩɣ mala nɛ mantaa Yehowa liu lɛɛlɛɛyɔ nɛ cee wayɩ nɛ pɩkɩlɩ?»

• «Ɛbɛ man-taa pɩzɩɣ nɛ pɩtɛmna alɩwaatʋ ndʋ kʋñɔŋ sɔsɔʋ paɣzɩɣ yɔ?»—Luka 21:​25-28.