Nsundila Nkulu—Ndi Bo Yani Ba Ka Teedza? Ndi Bo Yani Ba Sa Ka Teedza?

Bunji mu lubaka gwa Nowa ba ka be thama zwa ka bipa. Genesisi 6:5

Adamu na Eva ba ka thama bana, bathu ba ka wanda mu shango. Mu lubaka baengele bamwe ba ka shanganila na Satani mu bukomba gugwe.

Ba ka zha mushango ba ka mbala mibili ye bathu kuti ndizo ba lobole bakadzi. Bakadzi ibaba ba ka zwala bana ba kulukulu kwazo ba ka be be tjisa ba na masimba.

Shango ya ka zhala nge bathu ba ka be be thama zwithu zwa ka bipa. Baibili i ka ti: “Bubi gwe bathu gu ka zhala mu shango ne mikumbulo ya bo ya ka be ya ka bipa nako dzose.”

Nowa wa ka teedza Ndzimu ka baka haraka. Genesisi 6:13, 14, 18, 19, 22

Nowa ya ka be i li nlulwami. Jehova wa ka budza Nowa kuti u nowo tjinya bathu ba ka bipa nge nsundila nkulu.

Ndzimu wa ka budza Nowa kuti a bake ngoro nkulukulu, wa ka be u damwa haraka, kuti a ngine mu kati ne be nsha uwe ne phuka imwe ne imwe.

Nowa wa ka tjenjedza bathu ne kwe Nsudila u no zha, ngono ba ka si teedze. Bamwe ba ka be be seka Nowa bamwe; ba ka mbenga.

Haraka i si no be ya pela, Nowa wa ka longa phuka mu kati.