Jesu Ya Ka Be I Li Yani?

Jehova wa ka tumila Jesu mu shango. 1 Johani 4:9

Ha ti shaka shathisa Jehova, ta ka fanila ku teedza nthu mwe uno sheteka. Ntolo a sathu ka bumba Adamu, Jehova wa ka bumba nthu we tjimeya wa ka sima ku dzimu.

Mu lubaka Jehova wa ka tumila iye iwoyo kuti a zwaligwe ku Bethelehema ne nkadzana u no yi Maria. Mwana ka piwa zina Jesu.—Johani 6:38.

Se nthu mu shango, Jesu wa ka lakidza mipanga ye Ndzimu. Wa ka be a na ngoni, a na ludo, ne ku sedzelegwa nge bathu. Wa ka diya bamwe malebeswa ne kwa Jehova, a singa tje.

Jesu waka shinga bubuya ngono wa ka be a ka bengwa. 1 Peteru 2:21-24

Batungamili be madumili ba ka be ba ka benga Jesu ngobe wa ka zibisa bathu zwidiyo zwa bo zwe manyekphwa ne zila dza bo dza ka bipa.

Jesu kakale wa ka podza bagwele a ka musa ba ka be ba fa.

Batungamili be budumili ba ka sundidzila Baroma kuti ba lobe Jesu ne ku mbulaya.