A ku na Dzibuka, Dzifilimi, Kene Njimbo Dzi no Dzibigwa ne Bafakazi ba Jehova?

Aa. Gubungano ledu alito sikasika dzi-movie dzingwe, dzibuka, kene dzinjimbo kuti li ko biga nlawo we kuti bathu ba fanila kuti ba lambeni. Ini ku saka jalo?

Baibili i no kulumbidza nngwe ne nngwe ku shingisa “njalakangwa” dzidze ku thubukanya cha ka lulwama ne chi sa ka lulwama.​—Bahebera 5:14.

Baibili i no lakidza milayontewo i nga shingisiwa ne Nkirisiti ha e shalula maedziso.a Ko fanana koga ne mu zila dzingwe dzose dze buchilo, mazwimisilo edu hwuti ti “gwisile kuzwidiya zwithu zwi no shathisa She.”​—Baefesiya 5:10.

Baibili i no diya kuti misholo ye misha i na ndaulo ya ka lidzanyidzigwa, ndizo ba nga na ba ka shalula kuti be nsha wabo ba si tongo shanganyila mu maedziso mangwe. (1 Bakorinta 11:3; Baefesiya 6:1-4) Ne kwa ka jalo, ba si be nsha a ba to dumiligwa ku dzibila Bafakazi bangwe kuti dzifilimi dza ka tini, dzinjimbo kene milidzo ingwe aizo ba lulwamila.​—Bagalatiya 6:5.