Dzimilioni Dze Zwitjili zwe Meya

Baibili i no ti budza ku ti ku na bathu be meya banjinji. Jehova nge ku kwe meya.—Johani 4:24; 2 Bakorinta 3:17, 18.

Nge gum̄we lubaka Jehova wa ka be a li ega mu lubumbo. Ka be wo tangisa bumba bathu be meya ba no dan̄wa batum̄wa. Ba ka sima ne ku tjenjela ku pinda bathu. Jehova wa ka bumba batum̄wa banji; nlanda we Ndzimu Daniele, mu tjilakidzo, waka bona khulu le dzimilioni dze batum̄wa.—Daniele 7:10; Bahebera 1:7.

Batum̄wa i baba ba ka bumbiwa nge Ndzimu n̄anga mbeli kwe u thama shango. (Jobe 38:4-7) A ku na mu bali ba ka tongo be bathu ba ka tjila mu shango be ko fa.