THUTO 6

Ku na Thembo Ipi ne kwe Bafi?

1. Ndebo mbuya ne kwe bafi ndi dzipi?

Lazaro a musiwa mu bafi ngono e amuchiwa ne azwadzi dzi dze Mata na Mariya

Ha Jesu e swika ku Bethani ku bapa ne Jerusalema, nkhwinya uwe Lazaro wa ka be a na mahuba a li 4 a ka fa. Jesu wa ka yenda ku ikumbu a na Mata na Mariya, azwadzi dze nfi. Kwa kati shulenyana, bathu ba ka kubungana. U nga alakana koga kuti Mata na Mariya ba ka be ba ka shatha chini ha Jesu e musa Lazaro mu bafi!—Bala Johani 11:21-24, 38-44.

Mata wa ka be e ziba kale ndebo mbuya ne kwe bafi. Wa ka be e ziba kuti Jehova u nowo musa bafi kuti ba chile kakale mu shango.—Bala Jobe 14:14, 15.

2. Chimo che bafi i ni?

Ku bumbiwa kwa Adamu, ngono shule e fa — Ndzimu waka dwa Adamu eti: “U hwuluba ngono u nowo bgwilila mu hwuluba.”—GENESISI 3:19.

Bathu ba ka thamiwa ne wuluba. (Genesisi 2:7; 3:19) Ha ti te ti li meya i no chila mu mibili ye nyama. Ti zwibumbiwa zwe nyama, ha kuna chi no dwilila chi chila mu tili a ta fa. Ha ti fa, bulubi gwedu go fa bo, mikumbulo yedu i no nyelela. Lazaro ha a zo leba chingwe ne kwe cha ka nshingikalila ha a fa, ne kuti bafi ha ba to ziba chingwe.—Bala Pisalema 146:4; Nreri 9:5, 6, 10.

A Ndzimu u no hwisa bathu zogwadza ne ku ba pisa mu moto ha ba fa? Se kwa Baibili i lakidza kuti bafi a ba to ziba chingwe, moto we dzihele i chidiyo che manyepkhwa chi no chinya Ndzimu zina. Nkumbulo koga we ku hwisa bathu zogwadza ne ku ba pisa mu moto u no nshemesa.—Bala Jeremiya 7:31.

Lingilila vidiyo Chimo Che Bafi Ini?

3. A bafi ba nga lebeleka naswi?

Bafi a ba to lebeleka kene hwa. (Pisalema 115:17) Koga ku na baengele bangwe ba ka bipa ba no khona lebeleka ne bathu be zwithama bathu ba ka fa. (2 Pita 2:4) Jehova ha a to shaka kuti ti like ku lebeleka ne bafi.—Bala Ditironomi 18:10, 11.

4. Ndiboyani ba nowo musiwa?

Nlume wa ka a fa u no musigwa ku chila mu Paradaisi e be e zwidiya ne kwe Ndzimu. Ku dwapo Nlume e diya bangwe ba musiwa mu bafi.

Dzimillion dze bathu ba ka fa ba mu zwikumbu, ba nowo musiwa kuti ba chile mu shango. Ne bathu ba ka be ba singa zibe Ndzimu, be thama zwithu zwi sa ka lulwama ba nowo musiwa.—Bala Luka 23:43; Mishingo 24:15.

Bathu ba nowo be ba musiwa ba nowo zwidiya malebeswa ne kwe Ndzimu ne ku lakidza ku galamoyo mu na Jesu, ne ku nhwilila. (Zumbunulo 20:11-13) Bathu ba nowo musiwa be be be thama zwithu zwa ka lulwama ba nowo shathila buchilo gu si nga pele mu shango.—Bala Johani 5:28, 29.

5. Ku musiwa kwe bafi ko ti diyani ne kwa Jehofa?

Ndzimu wa ka thama kuti thembo ye ku musiwa kwe bafi i khoneke ne ku tumila Nkololo uwe kuti a zhe ku ti fila. Ku musiwa kwe bafi ko lakidza kuti Jehova u na ludo kakale u na mahwilangoni. Ha bafi be musiwa, iwe no shaka bona yani?—Bala Johani 3:16; Baroma 6:23.

Ku bona zibiso ya ka paphidzika, bona thuto 6, 7, ne 10 dze buka ye What Can the Bible Teach Us?