THUTO 28
Lakidza ku Bokela Cha wa Thamigwa na Jehova na Jesu
U no zwiwa chini ha nkhwinya uwo e ku pa chipo cha ka naka? U ngana u ka chi shathila, kakale u nowo shaka ku lakidza nkhwinya uwo kuti u no bokela chipo chiche. Jehova na Jesu ba ka ti pa chipo chikulu ku pindisa zwipo zose zwa ti nga amuchila. Ndi chipi, ngono ti nga lakidza chini kuti to chi bokela?
1. I zila ipi ingwe ya ti no lakidza nayo kuti to bokela cha ta ka thamigwa ne Ndzimu na Kirisiti?
Baibili i no ti thembesa kuti ‘kene ali ani unogalamoyo muna Jesu’ u nga chilila chose. (Johani 3:16) Ku galamoyo kene ku lakidza dumilo ko dwani? Ko dwa chi no pinda ku dumila mu na Jesu. Ta ka fanila ku lakidza dumilo yedu ha ku zha mu zwithu zwa ti no shalula ne mu mishingo yedu. (Jakuba 2:17) Ha mishingo yedu ne cha ti no leba chi yendidzana ne dumilo yedu, to simisa bukhwinya gwedu na Jesu na Tate babe, Jehova.—Bala Johani 14:21.
2. Ti nga lakidza ku bokela cha ka thamiwa na Jehova na Jesu ku shingikalo ipi?
Mu busiku gwa ka tobegwa ne zhuba la a ka fa nalo, Jesu wa ka budza batobeli babe ne kwe zila ingwe ye ku lakidza ku bokela chibayilo chiche. Wa ka tangisa zhuba likulu le ku kumbula “tjilayilo tja She,” se kwa li dangwa mu Baibili, kakale li no dangwa kuyi Chikumbuludzo che lufu gwa Kirisiti. (1 Bakorinta 11:20) Jesu wa ka be e shaka kuti baapostolo babe ne Bakirisiti bose be malebeswa, ba alakane kuti wa ka ti dusila buchilo gugwe. Ha ku zha mu zhuba ileli, Jesu wa ka layila eti: “Itani ikoko, kundikumbula.” (Luka 22:19) Ha u zha ku Chikumbuludzo, no lakidza kuti no bokela ludo gukulu gwa Jehova na Jesu mu tili.
ZWIDIYE KWA KA NGINILILA
Bona zila dzingwe dze ku lakidza ku bokela ludo gukulu gwa ka lakidziwa na Jehova na Jesu. Lingisisa kuti ini Chikumbuludzo che lufu gwa Kirisiti chi tolegwa pezhugwi.
3. Lakidza kuti u no boka
Kumbula nngwe a ku batsha kuti usi ngwile mu vula. A ku nga shingikala kuti u kangangwe kene u libale cha wa thamigwa ne nthu iwoyo? Kene u nowo shaka zila dze ku lakidza se kwa u no bokela cha a ku thamila?
Ta ka fanila ku chilila Jehova. Bala 1 Johani 4:8-10, mu be mu lebesana ne kwe buzo dzi no tobela:
Ini chibayilo cha Jesu ili chipo cha ti no tolela pezhugwi?
U no zwiwa chini ne kwe cha wa ka thamigwa na Jehova na Jesu?
Ti nga lakidza chini ku bokela cha ta ka thamigwa na Jehova na Jesu? Bala 2 Bakorinta 5:15 na 1 Johani 4:11; 5:3. Shule kwe ku bala ndimana ingwe ne ingwe, lebesanani ne kwe buzo i no tobela:
Ku dwa mu ndimana iyeyi, ini cha ti nga thama ku lakidza ku boka?
4. Yedza Jesu
Ingwe zila ya ti nga lakidza ku boka nayo, ndi ye ku yedza Jesu. Bala 1 Pita 2:21, mu be mu lebesana ne kwe buzo i no tobela:
I zila dzipi dza u nga tobela Jesu nadzo?
Jesu wa ka be e da Dama le Ndzimu, e rera ndebo mbuya, kakale e batsha bangwe
5. I be po mu Chikumbuludzo che lufu gwa Kirisiti
Ku bona kuti ini cha ka shingikala ku Chilayilo che kutanga cha She, bala Luka 22:14, 19, 20. Mu be mu lebesana ne kwe buzo dzi no tobela:
Kwa ka shingikalani ku Chilayilo cha She?
Chiwunga ne bhepe dzo mililani?—Bona ndimana 19 ne 20.
Jesu wa ka be e shaka kuti badiyiwana babe ba be po mu Chilayilo cha She, ka ngompela ne gole, mu zhuba la ka lingisana. Ndizo Bafakazi ba Jehova be shangana gole ne gole ku kumbula lufu gwa Kirisiti ne zila ya a ka layila. Ku zwidiya ne kwe ku shangana ikoko ku no tolegwa pezhugwi, zana VIDIYO. Mu be mu lebesana ne kwe buzo i no tobela.
Ko shingikalani ku Chikumbuludzo?
Chiwunga ne bhepe i zwifaniso. Chiwunga cho milila mbili wa Jesu u sina chibi wa a ka ti dusila iwo ili chibayilo. Bhepe (wine) lo milila malopa awe
BATHU BANGWE BA KATI: “Ha u dumila koga mu na Jesu, nowo chidziwa.”
U nga shingisa chini Johani 3:16 na Jakuba 2:17 ku lakidza kuti ku na chingwe chi no shakika pezhugwi kwa ichecho?
CHA WA ZWIDIYA
Ku be ne dumilo mu na Jesu ne ku be po mu Chikumbuludzo che lufu gugwe ko lakidza kuti to bokela cha a ka ti thamila.
U Nga Tini?
Ta ka fanila ku thamani ili ku lakidza kuti ti na dumilo mu na Jesu?
U nga da ku lakidza chini kuti no bokela cha wa ka thamigwa na Jehova na Jesu?
Ini ku be po ku Chikumbuludzo che lufu gwa Kirisiti ku tolegwa pezhugwi?
SHAKISISA
Lufu gwa Kirisiti go thama kuti ti shake ku thamani?
Zwidiye kwa ka paphidzika ne kwe dumilo, kakale kuti u nga i lakidza chini.
“Lakidza ku be ne Dumilo mu Thembeso dza Jehova” (Thungamakole, October 2016)
Bona kuti ku zwidiya ne kwe chibayilo cha Kirisiti kwa ka ama nkadzi nngwe chini mu mbiko i noti “Ndo Zwiwa Nda ka Chena, Ndi Chila, Nda ka Pelela.”
“Baibili i no Shandula Machilo” (Thungamakole, August 1, 2011)
Bona kuti ini bathu banjinji ba si nga je chiwunga ne ku ngwa waini ku Chikumbuludzo.