THUTO 37

Chi no Lebgwa ne Baibili ne Kwe Mari ne Nshingo

Ya ka Tshambisiwa

A wa ka tongo zwiwa u dziyidzika ne kwe nshingo kene mari? Ku zwichidza ne ku namata Jehova ne zila ya ka nfanila, i nga be chingwe chi no lema. Baibili i no ti pa kumbuludzo i nga ti batsha.

1. Baibili i no tini ne kwe nshingo?

Ndzimu u no shaka kuti ti shathile nshingo. Baibili ikati: “Akuna tjimwe tjibuya tje nthu kuzhe kwe kuti . . . awane kushatha mu kushinga kukwe.” (Nreri 2:24) Jehova u no shinga kwazo. Ha ti shinga zwibuyanana sa iye, to nshathisa kakale to be ne ku shatha.

To sheta ku shinga. Ngono hatizo fanila ku tolela nshingo pezhugwi kwazo ku pindisa ku namata Jehova. (Johani 6:27) U no thembesa kuti, ha a nga zha takhwa mu buchilo gwedu, u nowo ti batsha.

2. Ku linga mari ne zila ya ka lulwama ko dwani?

Nenguba Baibili i leba iti “se mari e bakilila,” kakale i no ti kumbuludza kuti mari ne bukwawo ha a nga thame kuti ti shathe. (Nreri 7:12) Ndizo, ti kumbuludziwa kuti ti si de mari ngono ti shathile kene ti ‘gutshike nge tjatinatjo.’ (Bala Bahebera 13:5.) Ha ti shathila cha ti nacho, to zwihulula mu ku dziyidzika ne ku gala ti shaka kwa ka paphidzika. A ti nga ngine mu zwikoloto zwi si nga shakike. (Zwiani 22:7) Kakale a ti nga ngine mu mbatsha dze ku becha kene zila dza ku noyi dzo fumisa chinyolocho.

3. Ti nga shingisa mari chini ne ku sa zwikumbulila?

Jehova i Ndzimu u no da ku pa, ngono to thama sa iye ha ti “pana nenge kuzwimisila kukobana ne bamwe.” (1 Timoti 6:18) Ti nga shingisa mari dzedu ne ku sa zwikumbulila ha ti batsha gubungano ne ku batsha bangwe ba no sheta, kwazo kwazo ba ti no namata nabo. Jehova haazo lingilila kwazo kuti to pa ku ngapani, ngono wa ka lingilila kuti ini ti pa. Ha ti pa bangwe ku dwa mu moyo, towo shatha kakale towo shathisa Jehova.—Bala Mishingo 20:35.

ZWIDIYE KWA KA NGINILILA

Bona kuti ku linga nshingo zwibuyanana ne ku shathila cha ti nacho ku nga ti batsha chini.

4. Kudza Jehova ne zila ya u no shinga nayo

Bukhwinya gwedu na Jehova gwa ka fanila ku ti batsha ku linga nshingo ne zila ya ka lulwama. Zana VIDIYO, mu be mu lebesana ne kwe buzo dzi no tobela.

VIDIYO: Shingila Jehova ne Moyo Uwo Wose (4:39)

Mu vidiyo, ini cha wa da ne kwe buthu ne zila ye ku zwibata kwa Jason ku nshingo?
Ini cha a ka thama kuti nshingo u be mu mamo awo?

Bala Bakolosa 3:23, 24, mu be mu lebesana ne kwe buzo i no tobela:

Ini ta ka fanila lingisisa zila ya ti no linga nshingo nayo?

Zwitshwantsho: Nlume e lechedzela kuti nshingo uwe we ku zwichidza u zhe takhwa. 1. U no shinga mu ofisi mu ku yenda kwe zhuba. 2. U no dwilila e shinga busiku. 3. U no dwilila ne nshingo ha bashingi naye ba yenda ku nzi. 4. U no ja zojiwa zwe madekwana ali yega.

To sheta ku shinga. Ngono hatizo fanila ku lecha nshingo kuti i be iwo u no zha takhwa ku pindisa ku namata Jehova

Zwitshwantsho: Nlume iwoyo e zwipa nako ye zwithu zwi no tolegwa pezhugwi. 1. U no shinga mu ofisi mu ku yenda kwe zhuba. 2. U no misa ku shinga mu bupelo gwe zhuba. 3. U no milidza liboko ku zwidiyo zwe gubungano. 4. U no ja zojiwa zwe madekwana ne nkadzi ne bana babe babili.

5. Ku shathila cha ti nacho ko ti batsha

Bathu banjinji ba no lika ku zwikubunganyila mari manjinji se kwa ba nga khona. Ngono Baibili i no ti kumbuludza kuti ti thame chi poga. Bala 1 Timoti 6:6-8, mu be mu lebesana ne kwe buzo i no tobela:

Baibili i no ti kumbuludza kuti ti thameni?

Nenguba ti na kutukununu, ti nga shatha. Zana VIDIYO, mu be mu lebesana ne kwe buzo i no tobela.

VIDIYO: “Shathilani Cha mu na Cho” (3:20)

Ini chi no shathisa misha iyeyi nenguba isina mari manjinji?

Ngono ku ingwi ha ti shaka kwa ka paphidzika pezhugwi kwe cha ti nacho? Jesu wa ka pa chilakidzilo che kuti ichecho, chi mbatsha. Bala Luka 12:15-21, mu be mu lebesana ne kwe buzo i no tobela:

Wa zwidiyani ku dwa mu chilakidzilo cha Jesu?—Bona ndimana 15.

Bala ne ku fanisa Zwiani 10:22 na 1 Timoti 6:10. Mu be mu lebesana ne kwe buzo dzi no tobela:

Ini cha ka fanila ku tolegwa pezhugwi kwazo? Ku be ne bukhwinya na Jehova kene ku be ne mari manjinji? Ini u jalo?
Ku shaka mari manjinji ku nga ti longa mu mathatha api?

6. Jehova u nowo ti pa cha ti no sheta

Mathatha e mari ne nshingo, a nga lika dumilo yedu mu na Jehova. Zana VIDIYO ku bona kuti ti nga lingisana chini ne mathatha a ka jalo, mu be mu lebesana ne kwe buzo dzi no tobela.

VIDIYO: Jehova u Nowo ti Batsha ne Zwa ti no Sheta (6:21)

Mu vidiyo, nzwalani wa ka lingisana ne mathatha api?
Wa ka thamani kuti a khone ku lingisana ne mathatha awe?

Bala Matewu 6:25-34, mu be mu lebesana ne kwe buzo i no tobela:

Jehova u no thembesani bathu ba no thama kuti a zhe takhwa?

BATHU BANGWE BA KATI: “Nda ka fanila ku shinga kwazo ku chidza nsha wangu. Ha ndi nga yende ku zwidiyo zwe gubungano viki ne viki.”

I ndimana ipi i no thama kuti u dume dumbu, kuti ku namata Jehova ndiko kwa wa ka fanila tolela pezhugwi?

CHA WA ZWIDIYA

To sheta ku shinga, ne mari, ngono ichecho ha chi zo fanila thama kuti ti kongwe ku shingila Jehova.

U Nga Tini?

Ini chi nga ku batsha kuti u linge nshingo zwibuyanana?
Ku shathila cha u nacho ku nga ku batsha chini?
U nga lakidza chini kuti no themba cha ka thembesiwa na Jehova kuti u nowo thokomela bathu babe?

Thuto ya pela ne:

Zwimisile

Ku lingisisa kuti mu mingwedzi ya ka pinda, a nshingo uwo wa ka tongo thama kuti u si yende ku zwidiyo. Ha kwa ka jalo, bona kuti u nga baakanya ichechi chini.

Ne:

Your other goal

SHAKISISA

Bona kuti a Baibili ikati, mari haazo lulwama.

“A Mari i Ndzi we Bubi Gose?” (Web article)

Bona kuti ti nga pa chini ne zila i no shathisa Ndzimu.

“Baibili Ikatini ne Kwe Kupa?” (Web article)

A ku becha ku na nlandu?

“Chi no Lebgwa ne Baibili—ku Becha” (Mukani!, March 2015)

Bona kuti ini cha ka batsha nngwe nlume ku misa ku becha ne ku kwiba.

“Nda Kabe Ndi Da Mabilo e Mbizi Kwazo” (Thungamakole, November 1, 2011)