THUTO 42
Chi no Lebgwa ne Baibili ne Kwe ku sa Ngina mu Ndobolo Kene ku Ngina mu Ndobolo
Mu dzingwe dzingwao bathu ba no dumila kuti nthu ha a nga shathe a sa ngina mu ndobolo. Ne kwa ka jalo, ha te bose ba mu ndobolo ba ka shatha kakale ha te bose ba si mu ndobolo ba sa ka shatha. Malebeswa wuti Baibili ikati ku sa ngina mu ndobolo ne ku ngina mu ndobolo kose i zwipo.
1. Ku sa ngina mu ndobolo ku nga batsha chini?
Baibili ikati: “Iye unolobola . . . unothama zubuyanana, koga iye usingalobole unopinda unolobola.” (Bala 1 Bakorinta 7:32, 33, 38.) Nthu u si mu ndobolo “unopinda” u mu ndobolo chini? Bakirisiti ba si mu ndobolo ha ba to sheta ku longa moyo mu ku shathisa nngwe. Ku no dwa kuti, ba ka sungunuka. Ha ti fanisa, bangwe ba no khona ku paphidza ku shingila Ndzimu ne zila dza ka siyasiyana, se ku yenda ku ingwe shango ku no rera ndebo mbuya. Ba no khona ku shingisa nako ya ka paphidzika ku simisa bukhwinya gwabo na Jehova.
2. Ku ngina mu ndobolo chinlayo ku nga ti batsha chini?
Ndobolo i nga ti batsha ne zila dza ka siyasiyana, koga se ku sa ngina mu ndobolo. Baibili ikati: “Bathu babili banopinda nng’ompela.” (Nreri 4:9) Ichecho malebeswa kwazo ha kuzha mu Bakirisiti ba no shingisa milayontewo ye Baibili mu ndobolo yabo. Ba ka lobolana chinlayo ba no thembesana ku danana, hloniphana, ne ku tolelana pezhugwi. Ichecho cho thama kuti ba pelele ba zwiwe ba ka bakililika ku pinda bathu ba no gala bose ba sa ka lobolana. Ndobolo i no thama kuti bana ba zwiwe ba ka bakililika mu nsha.
3. Jehova u no linga ndobolo chini?
Ha Jehova e tangisa ndobolo ye kutanga wa kati: “Nlume unowosiya tate babe na mmeyabe kabhatana ne nkadzi uwe.” (Genesisi 2:24) Jehova u no shaka kuti nlume ne nkadzi ba danane ne ku be chithu chi ngompela mu buchilo gwabo gose. U no amuchila ku lambana koga ha ili kuti nngwe wabo wa shanganila ngubo ne wa a sa ka lobolana naye. Mu chimo ichecho, Jehova u no pa u sina nlandu fanilo ye ku zwishalulila kuti a u nowo lamba wa thama bupombgwea kene chini. (Matewu 19:9) Jehova ha a to amuchila Bakirisiti ku lobolana ne nthu u no pinda u ngompela.—1 Timoti 3:2.
ZWIDIYE KWA KA NGINILILA
Zwidiye se kwa u nga shatha, ne ku shathisa Jehova nenguba usi mu ndobolo kene uli mu ndobolo.
4. Shingisa chipo che ku sa ngina mu ndobolo zwibuyanana
Jesu wa ka be e linga ku sa ngina mu ndobolo ili chipo. (Matewu 19:11, 12) Bala Matewu 4:23, mu be mu lebesana ne kwe buzo i no tobela:
Jesu wa ka shingisa chipo chiche che ku sa ngina mu ndobolo chini kuti a shingile Tate babe ne ku batsha bangwe?
Bakirisiti ba nga shathila ku sa be mu ndobolo koga sa Jesu. Zana VIDIYO, mu be mu lebesana ne kwe buzo i no tobela.
Nkirisiti u nga shingisa ku sa be mu ndobolo ne zila dzipi dzi no shathisa?
A wa gala u ziba?
Baibili ha i to leba kuti nthu u nga ngina mu ndobolo a na makole mangana. Ngono, i no batsha bathu kuti ba me ku swikilila be pinda “masimba e buchechana,” ha mazwiwo e ku shanganila ngubo a nga thama kuti nthu a si shalule zwibuyanana.—1 Bakorinta 7:36, New World Translation of the Holy Scriptures ye lulimi gwa ngwenu
5. Shalula wa u nowo lobolana naye zwibuyanana
Ku shalula nthu wa u nowo lobolana naye i chingwe chikulu cha u nga shalula mu buchilo gugo. Bala Matewu 19:4-6, 9, mu be mu lebesana ne kwe buzo i no tobela:
Ini Nkirisiti a sa ka fanila ku labukila ku ngina mu ndobolo?
Baibili i nga ku batsha ku ziba kuti ini cha u nga lingilila mu nthu wa u nga lobolana naye. Wa ka fanila ku lobolana ne nthu u no da Jehova.b Bala 1 Bakorinta 7:39 ne 2 Bakorinta 6:14. Mu be mu lebesana ne kwe buzo dzi no tobela:
Ini ta ka fanila ku lobolana koga ne Bakirisiti?
No kumbula kuti Jehova u nowo zwiwa chini ha ti lobolana ne nthu u si nga nde?
Ha phuka mbili dzi si nga fanane dzi paniwa, dzo dziyila. Ne zila i no fanana, Nkirisiti u no lobolana ne u si nga dumile u nowo be ne mathatha manjinji
6. Linga ndobolo sa Jehova
Mu Iziraela wa ntolo, balume bangwe ba ka be be lamba bakadzi babo ne mabaka a si nga hwikale. Bala Malaki 2:13, 14, 16, mu be mu lebesana ne kwe buzo i no tobela:
Ini Jehova e shima divorce i si nga hwikale?
Bupombgwe ne divorce zo hwisa zogwadza u mu ndobolo u sina nlandu, ne bana
Zana VIDIYO, mu be mu lebesana ne kwe buzo i no tobela.
Ha wa ka lobolana ne nthu u si nga dumile, ini cha u nga thama kuti ndobolo yenyu i dwilile zwibuyanana?
7. Shingisa milayo ya Jehova ye ndobolo
Nthu u ngana a ka fanila ku gwisa kwazo kuti a shingise milayo ya Jehova mu ndobolo.c Ngono Jehova u no batsha bathu ba ka jalo. Zana VIDIYO.
Bala Bahebera 13:4, mu be mu lebesana ne kwe buzo dzi no tobela:
A u no kumbula kuti milayo ya Jehova ye ndobolo i no hwikala? Ne kutini?
Jehova wa ka lingilila kuti Bakirisiti ba kwalise ndobolo ne divorce dzabo, ne kuti ichecho cha ka lingiligwa ne mibuso minjinji mu shango. Bala Tito 3:1, mu be mu lebesana ne kwe buzo i no tobela:
Ha uli mu ndobolo, a ndobolo yenyu ya ka kwalisiwa chinlayo?
UNGWE U NGANA A KATI: “Ini nda ka fanila ku ngina mu ndobolo? Ko tini ha bathu ba no danana be gala bose koga?”
U nowo dabila chini?
CHA WA ZWIDIYA
Ku sa ngina mu ndobolo ne ku ngina mu ndobolo i zwipo zwi no dwa ku na Jehova. Zose zwi nga ti zhisila ku shatha ku no dumilana ne ku da kwa Jehova.
U Nga Tini?
Nthu u nga shingisa zwibuyanana chipo chiche che ku sa ngina mu ndobolo chini?
Ini Baibili iti ta ka fanila lobolana ne Nkirisiti naswi koga?
Libaka gu ngompela gwe Hwalo gwe divorce ndi gupi?
SHAKISISA
Ku lobolana koga ne Nkirisiti “mu na She” ko dwani?
Lingilila dzidrama dzili thathu dzi nga ku batsha ku shalula zwibuyanana ha ku zha mu ku danana, ne mu ndobolo.
Zwidiye kuti ini nngwe nzwalani e duma kuti Jehova wa ka mpa kunjinji ku no tolegwa pezhugwi ku pindisa cha a ka lecha.
I zwithu zwipi zwingwe zwa ka fanila ku kumbuligwa ne nthu, a sathu a ka kumbulila divorce kene ku thubukana ne wa a ka lobolana naye?
“Hlonipha ‘cha ka Batshanyiwa ne Ndzimu’” (Thungamakole, December 2018)
a Bona Zibiso ya ka Paphidzika 4 ne kwe ku thubukana ha ku sa thamiwa bupombgwe.
b Mu dzingwe dzingwao, bazwadzi ndibo ba no shalulila bana babo nthu wa ba nga lobolana naye. Ha kwa ka jalo mu chilenje chenyu, bazwadzi ba na ludo ba ka fanila ku ziba kuti, ndobolo ha te khani ye mari kene mamo, ngono khani wuti, a nthu iwoyo u no da Jehova.
c Ha u gala ne nthu mu sa ka lobolana, ndiwe koga u nga shalula kuti a u nga thubukana naye kene u nowo nlobola.