Zibiso ye ba no Zha ku Nshangano

BA NO THOKOMELA Ba ka piwa nshingo iwoyu we ku batsha. Mo kumbigwa kuti mu shingidzane nabo mu na cha ba no mu budza ha ku zha mu khani ye dziparking, ku yenda kwe bathu, ku bigila bathu magalo ne zwingwebo.

DUBIKIWA Ba nono dubikiwa ba no bigigwa zwitulo mbeli apa i li kuti ha kuna chingwe cha legwa. Ba no dubikiwa ba ka fanila gala mu magalo a bo ndebo ye ku dubikiwa i sathu i ka simulugwa ne Saturday mangwanana. Nngwe ne nngwe a zwi hile thaulo ne zwiyambalo zwino lingika zwibuyanana zwa nowo ngina mu vula na zo.

ZWIPO Kwa ka shingisiwa mari manjinji ku bankanyila kuti ku be ne magalo, zwilidzo, dzi equipmenti dze dzi vidiyo ne zwingwe zwi no thama kuti mu shathile nshangano ne ku ti sedzedza mu Ndzimu wedu Jehova. Zwipo zwa mu no dusa ne ku da zo batsha ku ruelela chinyikilo ne ku batsha mu nshingo we shango. Mowo wana kwa ka bigwa mabokisi a ka kwagwa a no dusigwa zwipo. Ha ku khoneka u nga dusa zwipo online ne ku ngina mu donate.jw.org. To bokela kwazo zwipo zose. Gubungano li no Laula lo bokela kwazo ku be mu batsha ne ludo nshingo u no thamigwa Bushe.

ZWE NDAPO Ziba kuti ipapa ko batshiwa be emergency koga.

ZWAKA LASHIKA Apa u bona chingwe cha u singa zibe kuti nde chayani u chiyese ku departmenti ye zwaka lashika. Ha ili kuti wa lasha chingwe, yenda u no chi linga ku departmenti iyeyi. Bana ba no yenda yenda ba lashika ba yesiwe ku departmenti iyeyi. Ne kwa ka jalo, kuti u se be ne stress chi singa sheteke, to kumbila kuti u thokomele bana babo u gale nabo nako dzose

MAGALO To kumbila kuti mu kumbulile bangwe. U si kangangwe kuti, magalo a no bigigwa be nsha uwo ne ba u no yenda nabo mu mota, ba u no gala nabo mu nzi, kene ba u no zwidiya Baibili na bo. U si tongo biga zwithu mu zwitilo zwi sina bathu.

HA U SHAKA KU ZWI THAUPA Ha u shaka ku thusa mu nshingo we nshangano iwoyo to kumbila kuti mu bone be departmenti ye ku zwi thaupa

Wa ka teyiwa ne Gubungano li no Laula le Bafakazi ba Jehova