Se Kwa ti Nga Zwibata ha ti sa Thamigwa Ndulamo

1-2. Bathu banjinji ba no zwibata chini ha ba sa thamigwa ndulamo, ngono ini cha ti nga zwibuzwa?

BATHO ba le bantsi gompieno ga ba tshwarwe sentle. Seno se direga ka ntlha ya mabaka a le mantsi a a jaaka gore ba humanegile, ke ba bong bofe, ke ba morafe ofe kgotsa lotso lofe. Ba le bantsi ba a boga ka gonne batho bangwe ba ba humileng ba ba nang le dikgwebo kgotsa baeteledipele ba dipolotiki, ba amega fela ka go itirela madi. Dilo tseno le tse dingwe, di ka tswa di ile tsa re ama rotlhe.

² Ga go gakgamatse go bo batho ba galefa fa ba sa tshwarwe sentle kgotsa fa ba bona batho ba bangwe ba sa tshwarwe sentle, ka gonne rotlhe re batla go tshwarwa sentle le go tshela ka kagiso. Batho bangwe ba leka go rarabolola mathata a lefatshe. Ba nna kgatlhanong le dipuso le melao e e leng gone kgotsa ba boutela baeteledipele ba dipolotiki ba ba solofetsang gore ba tla rarabolola mathata a bone. Mme rona re rutilwe gore ga re “karolo ya lefatshe” e bile re tshwanetse go letela Bogosi Jwa Modimo gore bo fedise tshiamololo e e leng teng mo lefatsheng. (Joh. 17:16) Mme gone, re sa ntse re utlwa botlhoko e bile ka dinako dingwe re a galefa fa re bona batho ba bangwe ba sa tshwarwe sentle. Re ka ipotsa go re: “Ke tshwanetse go itshwara jang fa seno se direga? A go na le sengwe se nka se dirang ka tshiamololo e e leng teng?” Go araba dipotso tseno, a re sekasekeng gore Jehofa le Jesu ba ikutlwa jang fa ba bona batho ba sa tshwarwe sentle.

JEHOVA NA JESU BA KA BENGA KU SA THAMIGWA NDULAMU

3. Ini i li chithu chi no hwika ha ti hwisiwa zogwadza ne ku sa thamigwa ndulamo? (Izaya 5:7)

³ Baebele e tlhalosa lebaka la go bo re sa rate go bona batho ba bangwe ba sa tshwarwe sentle. E tlhalosa gore Jehofa o re bopile mo setshwanong sa gagwe le gore “o rata tshiamo le tshiamiso.” (Pes. 33:5; Gen. 1:26) Ga a ke a tshwara batho ka tsela e e sa siamang e bile ga a batle gore ope a dire jalo. (Dute. 32:3, 4; Mik. 6:8; Seka. 7:9) Ka sekai, ka nako ya ga moporofeti Isaia, Jehofa “o ne a utlwa selelo” sa Baiseraele ba bantsi ba ba neng ‘ba sa tshwarwe sentle’ ke Baiseraele ba bangwe. (Bala Isaia 5:7.) Jehofa o ile a otlhaya Baiseraele ba ba neng ba itlhokomolosa melao ya gagwe e bile ba sa tshware ba bangwe sentle.​—Isa. 5:5, 13.

4. Mbiko ingwe ye Hwalo i no lakidza chini zila Jesu ya a no linga ku sa thamigwa ndulamo? (Bona itshwantsho.)

⁴ Fela jaaka Jehofa, Jesu le ene o rata tshiamo e bile o tlhoile tshiamololo. Letsatsi lengwe, Jesu o ile a bona monna mongwe yo o neng a golafetse seatla. O ile a mo utlwela botlhoko a bo a mo fodisa. Mme gone, fa baeteledipele ba bodumedi ba bona seo, ba ile ba galefa. Ba ne ba re Jesu o tlola molao wa Sabata. Ba ne ba sa re sepe ka gore monna yoo o ne a sa tlhole a boga. Jesu o ne a ikutlwa jang ka se ba neng ba se dira? O ne “a hutsafaditswe ke gore dipelo tsa bone di thatafetse.”​—Mar. 3:1-6.

5. Ta ka fanila kumbulilani ne kwe ku hwisiwa zogwadza ne ku sa thamigwa ndulamo?

⁵ Jehofa le Jesu ba a galefa fa ba bona batho ba sa tshware ba bangwe sentle. Ka jalo, ga go phoso fa le rona re ikutlwa jalo. (Baef. 4:26) Mme le fa re ka tswa re akanya gore re na le lebaka le le utlwalang la go galefa, ga re ka ke ra kgona go tlosa tshiamololo. Tota e bile, fa re nna re galefile ka lobaka lo loleele, re ka nna ra lwala kgotsa ra tshwenyega thata mo maikutlong. (Pes. 37:1, 8; Jak. 1:20) Ka jalo, re tshwanetse go dira eng fa re sa tshwarwe sentle? Re ka ithuta go le gontsi mo go se se diragaletseng Jesu.

SE KWA JESU A KA MILILANA NE KU SA THAMIGWA NDULAMO

6. I ku sa thamigwa ndulamo kupi kwa ka be ku li po mu chibaka Jesu cha a ka be a li mu shango? (Bona itshwantsho.)

⁶ Fa Jesu a ne a le mo lefatsheng, batho ba le bantsi ba ne ba sa tshwarwe sentle. O ne a bona kafa baeteledipele ba bodumedi ba neng ba gatelela batho ka gone. (Math. 23:2-4) Gape o ne a itse kafa babusi ba Baroma ba neng ba tshwara batho makgwakgwa ka gone. Bajuda ba le bantsi ba ne ba batla gore Baroma ba se ka ba tlhola ba ba laola. Bangwe ba bone ba ile ba dira digongwana gore ba ba lwantshe. Le fa go ntse jalo, Jesu ga a a ka a nna karolo ya segongwana sepe se se neng se batla go dira diphetogo mo pusong. Fa a lemoga gore batho ba ne ba batla go mo dira kgosi, o ile a tsamaya.​—Joh. 6:15.

7-8. Ini Jesu a sa ka pedzisa ku sa thamigwa ndulamo mu chibaka cha a ka be a li mu shango? (Johani 18:36)

⁷ Fa Jesu a ne a le mo lefatsheng, ga a a ka a tsenela dipolotiki gore a rarabolole mathata a a neng a a bona. Goreng? Ka gonne o ne a itse gore batho ga ba na tshwanelo ya go busa batho ba bangwe le gore ga ba na bokgoni jwa go dira jalo. (Pes. 146:3; Jer. 10:23) Gape batho ba ka se kgone go tlosa se se dirang gore re boge, e leng Satane le boleo jo re bo ruileng. Satane ke ene a busang lefatshe, o setlhogo e bile batho ba le bantsi mo lefatsheng ba a mo etsa. (Joh. 8:44; Baef. 2:2) Tota le batho ba ba siameng ga ba kgone go tlosa mathata a a leng teng mo lefatsheng ka gonne boleo bo dira gore ba se ka ba kgona go dira se se siameng ka metlha.​—Mor. 7:20.

⁸ Jesu o ne a itse gore Bogosi Jwa Modimo ke jone fela jo bo ka kgonang go tlosa sepe fela se se bakang mathata mo lefatsheng. Ka jalo, o ile a fetsa nako e ntsi “a rera e bile a bolela dikgang tse di molemo tsa Bogosi Jwa Modimo.” (Luke 8:1) O ile a netefaletsa “batho ba ba tshwerweng ke tlala e bile ba nyoretswe se se siameng” gore tshiamololo le bonweenwee di tlile go fedisiwa. (Math. 5:6; Luke 18:7, 8) Mme gone, ga go na puso epe ya batho e e ka kgonang go tlisa diphetogo tseo. Bogosi Jwa Modimo jo e seng “karolo ya lefatshe leno,” ke jone fela jo bo ka kgonang go dira jalo.​—Bala Johane 18:36.

YEDZA JESU HA WA KA LINGISANA NE KU SA THAMIGWA NDULAMO

9. Ini chi no ku thembesa kuti Bushe gwe Ndzimu ndigo koga gu nowo pedzisa ku sa thamigwa ndulamo?

⁹ Re tshela “mo malatsing a bofelo,” ka jalo go na le mathata a mantsi go feta ka nako ya fa Jesu a ne a le mo lefatsheng. Mme fela jaaka mo motlheng wa ga Jesu, Satane le batho ba ba bosula ba dira gore batho ba boge. (2 Tim. 3:1-5, 13; Tshen. 12:12) Jaaka Jesu, re a itse gore Bogosi Jwa Modimo ke jone fela jo bo tlileng go tlosa dilo tsotlhe tse di bakang tshiamololo. E re ka re rera ka Bogosi Jwa Modimo, ga re ye megwantong, ga re dire ditshupetso e bile re a itse gore dipuso tsa batho ga di ka ke tsa fedisa tshiamololo. Akanya ka se se ileng sa diragalela kgaitsadi mongwe yo o bidiwang Stacy.a Pele a ithuta boammaaruri o ne a nna fela a le kwa megwantong. Mme o ile a simolola go ipotsa gore a se a se dirang se siame. A re: “Ka dinako dingwe fa ke le kwa megwantong, ke ne ke ipotsa gore a mme se ke se lwelang se ka rarabolola mathata. Gone jaanong ke tshegetsa Bogosi Jwa Modimo e bile ke a itse gore ke mo letlhakoreng le le siameng. Ke a itse gore Jehofa o tla fedisa mathata otlhe, e leng sengwe se nna nka se kgoneng go se dira.”​—Pes. 72:1, 4.

10. Makhuta a no lebelekela bathu a no leyana chini ne cha ka legwa na Jesu mu na Matewu 5:43-48? (Bona itshwantsho.)

¹⁰ Batho ba le bantsi ba ikamanya le digongwana tse di lekang go tlisa diphetogo mo pusong. Le fa go ntse jalo, bontsi jwa bone ba a galefa, ga ba ikobele melao e bile ba utlwisa batho ba bangwe botlhoko. Seo ga se se Jesu a re rutileng gore re se dire. (Baef. 4:31) Mokaulengwe mongwe yo o bidiwang Jeffrey a re: “Ke a itse gore fa batho ba dira ditshupetso, dilo di kgona go fetoga ka ponyo ya leitlho. Ka bonako fela ba ka galefa, ba senya dilo, ba utswa tota le go utlwisa ba bangwe botlhoko.” Le fa go ntse jalo, Jesu o re ruta gore re rate batho botlhe tota le ba ba leng kgatlhanong le rona kgotsa ba ba re bogisang. (Bala Mathaio 5:43-48.) Bakeresete ba dira sotlhe se ba ka se kgonang gore ba etse Jesu.

11. Ini chi nga lika mazwimisilo edu e ku sa ma ne makhuta a no lebelekela bathu?

¹¹ Le fa gone re itse gore Bogosi Jwa Modimo bo tla tlosa mathata otlhe mo lefatsheng, ka dinako dingwe go ka nna thata go etsa Jesu fa re sa tshwarwe sentle. Akanya ka se se diragaletseng Janiya yo o neng a kgethololwa. A re: “Dilo tse batho ba neng ba di bua di ne di nkutlwisa botlhoko fela thata. Gape ke ne ke galefile thata e bile ke batla gore batho bao ba otlhaiwe. Ka jalo, ke ile ka ikamanya le segongwana se se neng se lwantsha kgethololo. Ke ne ke akanya gore seo se ne se tla dira gore maemo a nne botoka.” Fa nako e ntse e tsamaya, Janiya o ile a lemoga gore o ne a tlhoka go dira diphetogo. A re: “Ke ile ka lemoga gore ke simolotse go dumela se batho ba neng ba se bua le go ba tshepa go na le go tshepa Jehofa. Ka jalo, ke ile ka dira tshwetso ya gore ke tswe gotlhelele mo digongwaneng tseo.” Le fa gone re galefa fa re sa tshwarwe sentle kgotsa fa re bona batho ba bangwe ba sa tshwarwe sentle, re tshwanetse go dira sotlhe se re ka se kgonang gore re laole bogale le gore ka metlha re se ka ra nna karolo ya lefatshe.​—Joh. 15:19.

12. Ini ta ka fanila shingisa buchenjedu ha ku zha mu na zwa ti no lingilila ne zwa ti no bala mu social media?

¹² Ke eng se se ka re thusang go laola bogale fa re sa tshwarwe sentle kgotsa fa batho ba bangwe ba sa tshwarwe sentle? Re tshwanetse go nna kelotlhoko gore re bala eng, re reetsa eng le gore re lebelela eng. Batho bangwe ba tsenya dilo mo Internet gore ba tshose ba bangwe kgotsa ba ngongorege ka dilo tse puso e sa di direng. Go le gantsi babegadikgang ba bua dilo tse ba di akanyang e seng tse tota di diragetseng. Tota le fa se ba se buang se le boammaaruri, go nna re akanya ka sone go ka se baakanye bothata. Tota e bile, fa re fetsa nako e ntsi re reeditse dikgang tseo e bile re di bala, re ka galefa kgotsa ra kgobega marapo. (Diane 24:10) Se se maswe le go feta, re ka tlogela go dira gore Bogosi Jwa Modimo e nne selo sa botlhokwa mo matshelong a rona kgotsa ra lebala gore ke jone jo bo tla rarabololang mathata a rona otlhe.

13. Ku be ne ndongoloso ye ku bala Baibili ku nga ti batsha chini ku linga ku sa thamigwa ndulamo ne zila ya ka fanila?

¹³ Fa re bala Baebele letsatsi le letsatsi e bile re akanyetsa kwa teng ka se re se balang, seo se tla re thusa go itse gore re ka dira eng fa re sa tshwarwe sentle kgotsa fa batho ba bangwe ba sa tshwarwe sentle. Kgaitsadi mongwe yo o bidiwang Alia o ne a utlwa botlhoko tota fa a bona batho bangwe ba sa tshware ba bangwe sentle. Go ne go lebega e kete batho bao ba ne ba sa otlhaelwe se ba se dirang. A re: “Ke ne ka lemoga gore fa ke dumela gore Jehofa o tla baakanya mathata a a leng teng, ke tshwanetse go fetola tsela e ke akanyang ka yone. Ke ile ka bala Jobe 34:22-29. Ditemana tseo di ile tsa nkgopotsa gore Jehofa o bona sengwe le sengwe. Ke ene fela yo o kgonang go atlhola batho sentle le go baakanya dilo.” Mme gone, re ka dira eng fa re ntse re letetse gore Bogosi Jwa Modimo bo fedise mathata a a leng teng?

CHA TI NGA THAMA NE KWE KU SA THAMIGWA NDULAMO NGWENU

14. Ti nga thamani kuti ti si be ne gobe mu ku sa thama ndulamo kwe shango iyeyi? (Bakolosa 3:10, 11)

¹⁴ Ga re ka ke ra kgona go fetola tsela e batho ba tshwarang ba bangwe ka yone. Mme gone, re ka netefatsa gore rona re tshwara batho ba bangwe sentle. Mo setlhogong seno, re ithutile gore re ka etsa Jesu ka go bontsha ba bangwe gore re a ba rata. Seo se tla re thusa go tshwara ba bangwe sentle, go akaretsa le ba ba re bogisang. (Math. 7:12; Bar. 12:17) Jehofa o a itumela fa re tshwara ba bangwe sentle e bile re le pelonomi mo go bone.​—Bala Bakolosa 3:10, 11.

15. Ku rera ne kwe malebeswa e Baibili ku nga be ne gobe lipi mu ku mililana ne ku sheta ndulamo ngwenu?

¹⁵ Tsela e e di gaisang tsotlhe e re ka thusang batho ka yone, ke ka go ba ruta ka Jehofa. Goreng re rialo? Ka gonne “kitso ya ga Jehofa” e ka thusa motho yo o bogale e bile a rata ntwa gore a fetoge mme e nne motho yo o pelonomi e bile a rata kagiso. (Isa. 11:6, 7, 9) Pele monna mongwe yo o bidiwang Jemal a ithuta boammaaruri, o ne a ikamanya le segongwana se se neng se lwantsha puso ya naga ya bone ka gonne a ne a akanya gore e gatelela batho. A re: “Ga o ka ke wa kgona go fetola batho ka go ba lwantsha. Mme gone, fa o ba ruta Baebele, ba ka kgona go fetoga. Ke sone se se ileng sa ntiragalela.” Se Jemal a ileng a se ithuta se ile sa mo thusa gore a tlogele go lwa. Ka jalo, fa re ruta batho boammaaruri, re ka ba thusa gore ba tlogele go dira dilo tse di utlwisang ba bangwe botlhoko.

16. Ini chi no ku sendedzela kuti u rere ne kwe chi no thembesiwa ne Bushe gwe Ndzimu?

¹⁶ Fela jaaka Jesu, re ikemiseditse go bolelela batho gore Bogosi Jwa Modimo ke jone fela jo bo tla fedisang mathata a lefatshe. Tsholofelo eo e ka kgothatsa ba ba sa tshwarweng sentle. (Jer. 29:11) Stacy yo re buileng ka ene mo dirapeng tse di fetileng a re: “E re ka ke itse gore Jehofa o tla fedisa pogo, ke kgona go ritibala fa ke sa tshwarwe sentle kgotsa fa ke bona ba bangwe ba sa tshwarwe sentle.” Jehofa o dirisa molaetsa wa Baebele go re gomotsa. Re tshwanetse go nna re ikemiseditse go kgothatsa ba bangwe ka ditsholofetso tse go buiwang ka tsone mo Baebeleng. Fa re nna re ithuta mo go oketsegileng ka se Baebele e se rutang ka pogo, re tla tlhatswega pelo le go feta ka se e se buang. Go tswa foo, re tla kgona go ruta ba bangwe, e ka tswa e le kwa sekolong kgotsa kwa tirong, lebaka la go bo re boga le gore Jehofa o tla dira eng go fedisa pogo.b

17. Jehova u no ti batsha chini ku mililana ne ku sheta ndulamo kwa ngwenu?

¹⁷ Fa Satane e sa ntse e le “mmusi wa lefatshe leno,” batho ba tla nna ba sa re tshware sentle. Mme gone, Jehofa o a re thusa e bile o re naya tsholofelo fa re ntse re letile gore Satane a ‘latlhelwe kwa ntle.’ (Joh. 12:31) Ka sekai, o dirisa Baebele go re bolelela lebaka la go bo re boga le gore o amega ka batho ba ba sa tshwarweng sentle. (Pes. 34:17-19) Gape o dirisa Morwawe go re ruta gore re ka dira eng fa re sa tshwarwe sentle le gore go ise go ye kae, Bogosi jwa gagwe bo tla tlosa mathata a lefatshe e bile batho ba ka se ka ba tlhola ba boga gape. (2 Pet. 3:13) E kete re ka ikemisetsa go dira sotlhe se re ka se kgonang go rera dikgang tse di molemo tsa Bogosi le go nna re lebile pele nako ya fa lefatshe le tla bo le tletse ka “tshiamiso le ka tshiamo.”​—Isa. 9:7.