Bafakazi ba Jehova ne ku Bulawa kwe Bathu Kukulu ku no Gwadza—Baibili Ikatini?

Ne January 27, 2023, bathu banjinji mu shango yose ba nowo bata chikumbuludzo che zhuba le ku bulawa kwe bathu ku no gwadza. Ku shingikala kwe zwithu izwezwi zwi no gwadza zwa ka bipa mu makole a no pinda 75 a ka pinda, ku ngana ku ka thama kuti bangwe ba zwibuzwe kuti ini Ndzimu a ka lechedzela kuti ku bulawa kwe bathu kukulu ku no gwadza ikoku ku shingikale.

• Ku bona kuti Baibili ikatini ne kwe khani iyeyi, bala nsholo unoti: “Ini ku Bulawa Kwe Bathu Banjinji Kwa ka Shingikala? Ini Ndzimu a ka ku Dumilila?”

Bathu be Bajuta ba ka tongo lingisana ne ku bulawa kukulu ikoku ku no gwadza. Dzi-million dza ka bulawa ka ngwaza ku tobegwa ndongoloso ya ka be ya thamiwa ye ku bulaya. Bathu be zwithopha zwingwe naibobo ba ka bulawa mu chibaka che ku bulawa kwe bathu kukulu ku no gwadza. Bafakazi ba Jehova ba ka be ba li bangwe ba kabe be dziyidzigwa ku dumila kwabo mu Baibili.

• Ku zwidiya kwa ka paphidzika, bala nsholo unoti: “What Happened to Jehovah’s Witnesses During the Time of the Holocaust?”

“Kumugadzabgwe ne kube ne bumangwana”

Bathu banjinji ba no cha kuti ku bulawa kwe bathu kukulu ku no gwadza ku ngana ku ka shingikala kakale. To bokela kuti Baibili i no lebela mbeli kuti magwadzi a nonga iyawa ha towo shingikala kakale.

• “‘Ngoti ndoziba ndongoloso yandinayo nge kwenyu,’ ‘ndongoloso ye kumugadzabgwe ne kube ne bumangwana,’ kojalo Yahwe.”—Jeremiya 29:11.a

Thembiso iyeyi i nowo shingikala ha Jehova e pedzisa zwithu zose zwa ka bipa ne ku baakanya zwithu kakale. Wawo:

• Pedzisa bose ba ka bipa ba no wisa bangwe zogwadza.—Zwiani 2:22.

• Podza bose ba na magwadzi.—Zumbunulo 21:4.

• Musa ba ka fa ku chila kakale mu shango.—Johani 5:28, 29.

U nga themba thembiso i no nyaladza i no piwa ne Baibili. Ku zwidiya kuti chini, to ku laletsa kuti u zwidiye Baibili naswi mahala.