Mathatha e Ikhonomi—Bushe Gwe Ndzimu Gowo Thamani ne Kwawo?

Bathu banjinji mu shango yose ba ka simigwa kwazo ne ku bona zwithu zwa ba no zwichidza nazo—ngono kakale chimo ichechi cho dwilila chi simila mbeli.

• Ku yenda ne mbiko ya ngwenu ye shango,a “mari a no shogwa ne bathu ha a zo lizana, kakale a no khona ku tenga zwithu zwi shomanana koga.” I no thagisa kuti ha ku sa thamiwa chingwe, “ku sa lizalizana kwe bathu kowo paphidzika” kakale “chimo che buchilo che bashingi banjinji kose ne che misha yabo chowo yenda pasi.”

A bohurumente ba nowo khona ku pedzisa mathatha iyawa a no dwilila e kula e ikhonomi, kene ku thama kuti a be butuka?

Baibili i no thalusa kuti ku na hurumente u nga khona, kakale u nowo pedzisa mathatha wose e ikhonomi, kose ne ku sa lizalizana kwe bathu. Baibili i kati “Ndzimu we kudzimu unobamba mbuso,” hurumente ungompela u nowo laula chingwe ne chingwe chi no shingikala mu shango. (Daniele 2:44) Ha bushe igogu gu busa mu shango akuna u nowo kangangwiwa kene u nowo lashiligwa. (Pisalema 9:18) Bushe gwe Ndzimu gowo thama kuti nngwe ne nngwe wa gu no busa a bone zwa a no sheta kuti a shathe. Bathu bose ba nowo khona ku shathila mishingo ye maboko abo.—Izaya 65:21, 22.