Thomas Jackson/Stone via Getty Images
GALANI MA KA LINDA!
Ku Bona Thembo ne 2024—Baibili Ikatini?
Banjinji ba no kumbula kuti a ku na chi nga pedza mathatha e shango mu gole le 2024. Ne kwa ka jalo ti nga be ne thembo ne kwe mazhuba a no zha. Ti nga bona ngayi thembo?
Baibili i no pa thembo
Baibili i no thembesa kuti Ndzimu u nowo pedzisa mathatha a no thama kuti buchilo ngwenu gu nyadze moyo. Mu nako i si kulekule, Ndzimu “unowobukusha mishodzi yose mu mesho [edu], akutjawobe ne lufu kakale, akutjawobe ne buyendasi kene tjililo kene tjibhayo.”—Zumbunulo 21:4.
Ku zwidiya kwa ka paphidzika ne kwe chi no thembesiwa ne Baibili ne kwe chibaka chi no zha, bala nsholo u no ti “A Real Hope for a Better Tomorrow.”
Se kwa Baibili i nga ku thusa ngwenu
Baibili i no pa thembo ne kwe chibaka chi no zha i nga ku batsha kuti u khone ku lingisana ne mazwiwo a sa ka lulwama ngono u khone ku linga zwithu zwibuyanana. (Baroma 15:13) Kakale chi no kumbuludziwa ne Baibili chi nga ku thusa kuti u khone ku lingisana ne mathatha a u nga na u ka be u nawo ngwenu, a nonga zhala, ku sa thamigwa ndulwamo, kose ne bugwele.
Bona se kwa Baibili ya ka thusa nlume kuti a be ne mbakiso kakake ne shatha ne a ka kulila mu zhala. Lingilila vidiyo i no yi Juan Pablo Zermeño: Jehova wa ka Ndi Pa Buchilo Dumbu.
Bona kuti Baibili i nga ku batsha chini ku lingisana ne mazwiwo e ku zwibona nlandu, ku gwadzamoyo, ku tshwenyeka mu nkumbulo, ne ku figwa. Bala nsholo u no ti “Can I Find Words of Comfort in the Bible?”
Nkadzi nngwe wa ka be a li sole u no leba kuti wa ka a li “nthu u mu zhalima kakale a si na sepe ne bangwe” ngono u no bokela kuti wa ka bona thembo mu Baibili. Bona vidiyo i noyi I Put Down My Rifle.
Thama kuti gole le 2024 li be la ka lulwama mu kuli kose ne be nsha uwo. Zwidiye kwa ka paphidzika kuti Baibili i nga ku batsha chini. Amuchila course yedu ye mahala ye ku zwidiya Baibili. Bona se kwa Ndzimu a nga ku pa ‘mbakiso ye nkumbulo’ ngwenu kose ne ‘mazhuba a nowo zha a na thembo.’—Jeremiya 29:11.