Bathu ba no Lashikigwa ne Thembo mu Chipolotiki​—Baibili Ikatini?

Mu gole le 2024 kowo be ne palo njinji ku pinda mu makole wose a ka pinda ye shango dzi no be dza ka bata dzithopo. Ne kwa ka jalo bunji gwe bathu ba no lashikigwa ne thembo mu bupolotiki.

• Bunji gwe Maamerika ba ka lingisisa ngono be ka lemoga kuti “mapolotiki manjinji a ka temelela mu ku zwishingila” ku pindisa ku shingila ichaba.a—Pew Research Center, September 19, 2023.

Batshwa banjinji naibo a ba cha themba bupolotiki.

• “Batshwa be mazhuba iyawa ba ka temelela mu ku shaka dzizila dze ku baakanya mathatha a ba no lingisana nawo, ngono ha be shakisisa ba no lemoga kuti mapolotiki ha ba to khona ku baakanya mathatha iyawo.”—The New York Times, January 29, 2024.

• “Bathu bachechana ne bunji ba no themba dzividiyo dza ba no bona mu YouTube, ichecho cha ka legwa ne balingisisi ba ka lingilila bunjinji gwe dzipalo dze bathu ba no dumilana ne chi no be chi legwa mu dzividiyo idzedzo ku pindisa ku themba mapolotiki.”—The Korea Times, January 22, 2024.

A ti nga themba kuti mapolotiki a nga thama kuti buchilo mu chibaka chi no zha gu be butuka? Ti nga themba yani?

Lingisisa kuti u no themba yani

Kwa ka lulwama kuti bathu ba lingisise zwibuyanana wa ba no themba. Baibili i ka ti “tjilengwe tjoduma tjimwe ne tjimwe, koga ntjenjedu unolinga kwaanoyenda.”—Zwiani 14:15.

• Ku shakisisa kuti zibiso i malebeswa kene a te malebeswa, bala nsholo u no ti “Protect Yourself From Misinformation.”

Ne mapolotiki a no thembeka kwazo kakale e shaka shingila ichaba a ba to khona ku thama chingwe ne chingwe cha ba no shaka thama. Ndizo Baibili i chenesa i ti:

• “Usigalebgwe mu bakololo be bushe, mu bathu ibo basina bhatsho.”—Pisalema 146:3.

Mbusi wa u nga themba

Baibili i no thalusa kuti Ndzimu wa ka thopa kuti Jesu Kirisiti ndiye mbusi u na bukhoni gukulu u no thembeka. (Luka 1:32, 33) Jesu ndiye She ye Bushe gwe Ndzimu, mbuso u no laula kudzimu.—Matewu 6:10.

• Zwidiye kuti ini kuli buthokwa ku themba Jesu ne cha a nowo thama ku pedza mathatha a ti no lingisana nawo ngwenu. Bala nsholo u no ti “Kgosi ya Bogosi Jwa Modimo ke Mang?” ne u no ti “Bogosi Jwa Modimo bo Tla Fitlhelela Eng?”