A Social Media ya ka Lulwamila Ngwana Uwo?​—Se Kwa Baibili i Nga Batsha Bazwadzi

“Bugwele gwe thaluganyo mu batshwa go khataza—ngono social media ndiyo i no paphidza mathatha iyawa.”​—Dr. Vivek Murthy, U.S. surgeon general, New York Times, June 17, 2024.

Bazwadzi ba nga batsha bana babo chini mu ngozi ye social media? Baibili i na batsho i no hwika.

Chi nga thangwa ne bazwadzi

Bona milayontewo ye Baibili i no tobela.

“Nchenjedu unolinga kwaanoyenda.”​—Zwiani 14:15.

Ha kwa ka lingwa mathatha e social media, bazwadzi ha ba zo fanila ku be ne nkumbulo we kuti bana ba na fanilo ye ku zwishalulila ku shingisa social media. Nzwadzi ha a sa thu a ka dumilila ngwana uwe ku shingisa social media, wa ka fanila bona kuti ngwana uwe wa chi kula mu nkumbulo kwa a nga khona ku shingisa nako zwibuyanana, ku thama bakhwinya ba ka lulwama, ne ku lamba zwithu zwi sa ka lulwama.

• Ku zwidiya kwa ka paphidzika, bala misholo i no tobela “Should My Child Use Social Media?” ne “Teaching Your Teenager Social Media Safety.”

“[Shingisa] nako iyo ne buchenjedu.”​—Baefeso 5:16.

Ha u dumilila ngwana uwo ku shingisa social media, u mbigile milayo ye se kwa a nga i shingisa, ne ku nchenesela kuti milayo iyeyo i nga mbakilila chini. Yela njele ku shanduka kwe mazwibato e ngwana uwo ku nga thama kuti u tapudze ku shingisa social media kukwe.

• Shingisa vidiyo ye Chenjela ha u Shingisa Inthanete ku batsha ngwana uwo kuti a zibe kuti ini a ka fanila bigigwa milayo ye ku shingisa social media.

LZwidiye kwa ka paphidzika

Baibili i no leba kuti to chila mu “misi yakabangalala.” (2 Timoti 3:1-5) Kakale, i no ti diya se kwa ti nga mililana ne mathatha. Ku na misholo i no pinda 20 ye Baibili ya ka thamigwa bazwadzi ne bana babo mu nsholo iwoyo u no leba ne kwe mathatha e thaluganyo mu batshwa.