NASA Photo
GALANI MA KA LINDA!
A Kuna Hurumente Una Bukhoni Gwe ku Laula Shango Yedu?—Baibili i ka Tini?
Bohurumente mu shango yose ba ka lingisana ne mathatha a no tshwenya kwazo. Ndumbu ne shango dzi no lingika dzi na bukhoni, bohurumente badzo ba ka lingisana ne dzikani dzi no batisa shoni dze mapolotiki ne ku sa wanana kwabo ne ku sa gadzikana kwe bathu a ku yendila ku nako ye dzithupo.
Baibili e no lakidza kuti kuna hurumente ungompela u na bukhoni. U nga dwa wa ka to ngo wa ne kwe hurumente iwoyu. Ndiwo wa ka legwa na Jesu mo ntembezelowe we chilakidzo.
“Tembezelani sahwoku: ‘Tate bedu ba kudzimu, zina lenyu ngaliyengamadziwe. Bushe gwenyu ngaguzhe. kuda kwenyu ngakuyitiwe mu shango sekwa kunoyitiwa kudzimu.’”—Matewu 6:9, 10.
Baibili ino tini ne kwe Bushe i gogu?
Bushe—Hurumente u na bukhoni
Bushe go laula gu li kudzimu.
Jesu wa dana hurumente e ti “Bushe gwe kudzimu.” (Matewu 4:17; 5:3, 10, 19, 20) Ne lubaka i go gu wa, kati: “Bushe gwangu a ete i le gwe shango iyeyi.”—Johani 18:36.
Bushe i gogu gowo dusa mibuso ye bathu.
Baibili i kati: “Mbuso i woyu . . . Unowokunda mibuso iyeyo yose ukailobesa, koga iwo unowogalila tjatjose.”—Daniele 2:44.
A pa Jesu Kirisiti ale She, Bushe a gu nga chinyiwe.
Baibili i ka ti: “Bushe gugwe nde gugelile tjatjose nge kusingapele tjose kakale bushe gugwe agutowofa gwakolomogwa.”—Daniele 7:13, 14.
Bushe go hisa mbakiso ne ku bakililika mu shango.
Baibili i kati: “Mmwe ne mmwe unowogala kusi kwe nzhambi uwe na kusi kwe mpaya uwe ngono akuna ungabatjisa ngoti Yahwe Masimbawose balebeleka.”—Mika 4:4, Bhaibili ya ka yengemala.
Zwidiye kwa ka paphidzika ne kwe Bushe
A pa Jesu a le moshango wa ka shingisa chibaka chiche chose ku “rera ndebo mbuya ye Bushe gwe Ndzimu.” (Matewu 9:35) Kakale wa ka lebela mbeli e ti:
‘Ngono ndebo mbuya iyeyi ye bushe inowo reriwa mu shango yose, guli butendeki mu zwitjaba dzose, ndizo ipapo bupelo gowozha.’—Matewu 24:14.
Ngwenu, ndebo mbuya dze Bushe dzo reriwa mmu shango dzino pinda 240. To ku laletsa kuti u zwidiyi kwa ka paphidzika ne kwe hurumente i woyu ne kuti u nga ku batsha chini.
To kumbila u lingilile vidiyo Bushe Gwe Ndzimu i ni?