A Bafakazi ba Jehova ba no Shema Ibabo ba ka Tongo be Bali mu Budumili Gwabo?

Bathu ba ka dubikiwa se Bafakazi ba Jehova ngono ba singa cha rere ne bangwe, pangwe dumbu ba singa cha shangane ne ba ba no dumila nabo, akuto thubukaniwa nabo. Dumbu, to yenda ku bali ne ku gwisa ku ba batsha kuti ba hwanane kakale ne Ndzimu.

Ha nthu nngwe e thama chibi chi no lema ha ti to nthubula koga ipapo. Ne kwa jalo, ha Nfakazi wa ka dubikiwa e dwilila e chuluka nlawo we mazwibato we Baibili ngono a singa zwibone nlandu, to thubukana naye kene u no thubugwa. Baibili i no chenesa zwibuyanana iti: “Tatani nthu mbi pakati kwenyu.”​—1 Bakorinta 5:13.

Ku ingwi ne kwe nlume u no thubugwa ngono nkadzi uwe ne bana babe ba chi Bafakazi ba Jehova? Bumo gugwe gwe budumili gwa a ka a nago ne be nsha go shanduka, ngono ku be nlume na tate kukwe akuto shanduka. Chimo chiche mu ndobolo ne mazwiwo ne shingidzana ne be nsha uwe ko dwilila.

Bathu ba ka thubugwa ba nga nna ba ka shanganila mu zwidiyo zwe budumili gwedu. Ha be da, kakale ba nga nna ba ka bona batsho mu bakugwana be gubungano kuti ba hwanane ne Ndzimu. Mazwimisilo whu batsha nngwe ne nngwe wa ka thubugwa kuti a khone kakale ku be nngwe we Bafakazi ba Jehova. Bathu ba ka thubugwa ba no thubukana ne maswimisilo a sa ka lulwama ngono be be lakidza ne malebeswa kuti ba no yemula ku chila ne milayo ye Baibili ba no amuchigwa kuti ba bo Bafakazi ba Jehova kakale.