A Nda ka Fanila ku be Nngwe we Bafakazi ba Jehova a Ndi Zwi Diya Baibili Nabo?
Aa, a u to patikiwa choselele. Dzimiliyoni dzo shatila ndongoloso yedu ye ku zwidiya Baibili nenguba ba si nga be Bafakazi ba Jehova.a Mazwimisilo e ndongoloso iyeye yi kuku lakidza kuti Baibili I no diyani. Kuti u no shingisa chini zibiso iyeye nde kuko. To ziba kuti dumilo chithu che nthu ne bukukwe.—Joshua 24:15.
A ndi nga shingisa Baibili yangu a ti zwidiya?
Ee. Ne nguba ti shatila ku shingisa Baibili i no shingisa ndebo ya ngweno ye Baebele ya Thanolo ya Lefatshe le Lesha ne kuku pa iyo mahala ha ili kuti no I shaka, to shatha ha ili kuti u no shaka ku shingisa Baibili iyo. U nga zwidiya ne kwe nlaetsa we Baibili u no pa thembo ye ku chidziwa mu Baibili ingwe ne ingwe.
Ini mu zwidiya ne bathu ba si nga shake ku be ne dumilo i no nga yenyu?
Mazwimisilo e du makulo wu kuti to da Jehova Ndzimu, u no shaka kuti Ba Kirisiti ba diye bangwe cha ba ka zwidiya. (Matewu 22:37, 38; 28:19, 20) To ziba kuti a kuna chi no shathisa ko pinda ku ‘shinga ne Ndzimu’ mu ku thusa bathu ku zwidiya ne kwe chi no diiwa ne dama lile.—1 Bakorinta 3:6-9.
Kakale to sendedzegwa ne kuti to da bangwe. (Matewu 22:39) To shathisiwa ne ku diya bangwe zwithu zwa ka naka zwa ta ka zwidiya.—Mishingo 20:35.
a Ku lakidza bukulo gwe ndongoloso yedu ye ku zwidiya ne bathu, mo gole le 2023 ta ka bata dzithuto dze Baibili dzi li 7,281,212 ngwedzi ne ngwedzi, mu bunji gwe dzithuto idzedzi dze Baibili ti bala ne bathu ba le ba-jinji mu nako i ngompela. Ngono mu gole ilelo kwa ka dubikiwa bathu ba li 269,517 koga se bangwe be Bafakazi ba Jehova.