Shango Ye Paradaisi

Jehova u nowo lulamisa bubi gose gwa ka ikhwa ndi Satani. Jehova wa ka thama Jesu She we shango yose. Mu bushe gu gwe, shango i nowu thamiwa paradaisi.—Daniele 7:13, 14; Luke 23:43.

Jehova u no gadzabgwe nge zwithu i zwe zwi:

• ZOJIWA ZWI NJI: “Shango i nowo bidwisa zwa yo; Ndzimu, wedu Ndzimu, u nowo ti pa phaza.” “Kowo be ne mathunde manji mu shango; na pezhugwi kwe matombo a nowo tebukana.”—Pisalema 67:6; 72:16.

• KU SI TJINA NGWA: “Izhani, im̄wi bathu, mu bone mishingo ya Jehova, se kwa a tangisa zwiitoito zwi no tjenamisa mu shango. U no thama ku ti ngwa dzi me ku no ti ku no pelela shango.”—Pisalema 46:8, 9.

• KU SI TJINA BATHU BA BI: “Ngobe ba no yeta bu bi nge kwa bo ba nowo thubugwa . . . ngono kowo ti ku sathu ku ka no ti ngayi, mbi u nowo be a si tjipo; u nowo shakisisa pa bugalo gugwe tjose, . . ., ngono u nowo be a sipo.”—Pisalema 37:9, 10.

• 

  KU SI TJINA BUGWELE, MAGWADZI, KENE LUFU: “Mu lubaka i go go mesho e mapofu a nowo zhugwa, ne zebe dze matshizebe dzowo zwinunugwa. Mu lubaka i gogo ba no kudzula ba nowo tjuluka koga se phene, ne lulimi gwe mbebebe gowo mimila nge ku shatha.”—Izaya 35:5, 6.

  “Ngono Ndzimu nge ku kwe u nowo be na bo. Ngono u nowo bukusha mishodzi yose mu mesho a bo, ne lufu a gu tjowo be po, nenge lila kene guwo kene gwadziwa a ku towo be po. Zwithu zwa kale zwa pinda.”—Bonyololo 21:3, 4.

Ku leyana na Satani ne madimona, Jehova ha a to so nyepa. Tjim̄we ne tjim̄we tja a no gadzabgwe tjo shingikala. (Luke 1:36, 37) Jehova u no ku da kakale u no shaka u tjila mu paradaisi ya a nowo thama. Tji zwi shanganya ne Bafakazi ba Jehova u zwi diye kwa ka paphidzika nge kwe malebeswa a no shathisa a no wan̄wa mu Dama le Ndzimu. Ha u shingisa malebeswa mu butjilo gu go, u nowo sungunugwa mu busungwa gwe manyepkhwa, bushudzi ne mu ku shaya lizibo. Nge nako, u nowo sungunugwa mu tjibi ne lufu. Sa Jesu a ka ti: “Mo wo ziba malebeswa, ngono malebeswa a nowo mu sungunula.”—Johani 8:32.