THUTO 32

Bushe Gwe Ndzimu go Busa Ngwenu!

Ya ka Tshambisiwa

Bushe gwe Ndzimu gwa ka tangisa ku busa kudzimu ne 1914. Kakale mazhuba e bupelo nthu e busa a ka tangisa mu gole ilelo. To ziba chini? Bona buporofiti gwe Baibili, chi no shingikala mu shango, ne mazwibato e bathu, ku tangisa ne 1914.

1. Buporofiti gwe Baibili go lakidzani?

Buka ye Baibili ya Daniele ya ka lakidza kuti Bushe gwe Ndzimu gowo tangisa ku busa ku bupelo gwe chibaka chi no dangwa “makole [zwibaka] ali kutendeka.” (Daniele 4:16, 17) Mu makole manjinji a ka tobela, Jesu wa ka dana chibaka ichecho eti “tjibaka tjebe Bezwitjaba,” kakale wa ka diya kuti cha ka be chi sathu chi ka pela. (Luka 21:24) Se kwa ti nowo bona, zwibaka zwili kutendeka (7) zwa ka wila mu gole le 1914.

2. Chinga kwa 1914 ko shingikalani mu shango, kakale bathu ba no zwibata chini?

Badiyiwana ba Jesu ba ka mbuzwa beti: “Zwithu izwezwi zowoshingikala lini ne tjilakidzo tje kuzha kwenyu ne tje kupela kwe shango tjowobeni?” (Matewu 24:3) Ya kati e dabila, Jesu wa ka lebela mbeli zwithu zwinjinji zwa ka be zowo shingikala shule kwe ku tangisa kukwe ku busa ali She we Bushe gwe Ndzimu kudzimu. Zwingwe zwe zwa a ka leba ne kwazo zo shanganyila nghwa, bhamba, ne ku tengenyeka kene zunguzika kwe shango. (Bala Matewu 24:7.) Kakale Baibili ya ka lebela mbeli kuti buthu gwe bathu mu “mazhuba e bupelo” gowo zhisa “misi yakabangalala.” (2 Timoti 3:1-5) Mamo iyawa ne buthu gwe bathu, a ka tangisa ku boneka kwazo ne 1914.

3. Ini chimo che shango cha ka chinyika kwazo shule kwe ku tangisa kwe ku busa kwe Bushe gwe Ndzimu?

Shule kwe kuti Jesu a be She we Bushe gwe Ndzimu, wa ka ghwa na Satani ne madimoni awe kudzimu. Satani wa ka kundiwa mu nghwa iyeyo. Baibili ikati wa ka ‘lashigwa pasi mu shango ne batumwa babe bose.’ (Zumbunulo 12:9, 10, 12) Satani u zhele bugali ne kuti u no ziba kuti u nowo chinyiwa. U no dziyidza bathu bose ne ku ba hwisa zogwadza. Ndizo ku si nga chenamise ku bona zwa ka bipa zwi shingikala mu shango. Bushe gwe Ndzimu gowo misa mathatha wose.

ZWIDIYE KWA KA NGINILILA

Shakisisa kuti to ziba chini kuti Bushe gwa ka tangisa ku busa ne 1914, kakale kuti ichecho cho dwani mu tili.

4. Buporofiti gwe Baibili gu kati, Bushe gwa ka tangisa ne 1914

Zana VIDIYO.

VIDIYO: Bushe Gwe Ndzimu Gwa ka Tangisa ku Busa ne 1914 (5:02)

Ndzimu wa ka thama kuti She Nebukadineza we Bhabhiloni wa ntolo, a wolote ne kwe chi nowo shingikala. Daniele wa ka chenesa kuti mawoloto iyawa, a ka be e leba ne kwe mbuso wa Nebukadineza kakale ne kwe Bushe gwe Ndzimu.—Bala Daniele 4:17.a

Bala Daniele 4:20-26, u bo u shingisa chart ku dabila buzo dzi no tobela:

(A) Nebukadineza wa ka bonani mu mawoloto awe?—Bona ndimana 20 ne 21.
(B) Nti wa ka be wo shingikaligwa neni?—Bona ndimana 23.
(C) Kwa kowo shingikalani mu “makole [zwibaka] ali kutendeka”?—Bona ndimana 26.

Mawoloto ne Kwe Nti a no Yendidzana Chini ne Bushe Gwe Ndzimu?

BUPOROFITI (Daniele 4:20-36)

Mbuso

(A) Nti nkulu

Mbuso wa ka misiwa

(B) “Temani nti,” “kudzina kwapinda makole [zwibaka] ali kutendeka”

Nti wa ka thubugwa wa ka longwa tshipi ne copper.

Mbuso wa tangisa kakale

(C) “Bushe gwenyu mowogubgwilizigwa”

Mu ku shingikadziwa kwe kutanga kwe buporofiti igogu . . .

(D) Nti wa ka be u milila yani?—Bona ndimana 22.
(E) Mbuso wa ka misiwa chini?—Bala Daniele 4:29-33.
(F) Ini cha ka shingikalila Nebukadineza ku bupelo gwe “makole [zwibaka] ali kutendeka”?—Bala Daniele 4:34-36.

KU SHINGIKADZIWA KWE KUTANGA

Mbuso

(D) Nebukadineza, She we Bhabhiloni

She Nebukadineza ali mile ne ku zwitolela pezhugwi.

Mbuso wa ka misiwa

(E) Shule kwe 606 B.C.E., Nebukadineza u no penga, ngono e be e kongwa ne ku busa ne makole ali 7

Mbuso wa tangisa kakale

(F) Nebukadineza wa chi pola ngono u no tangisa ku busa kakale

She Nebukadineza a ka milidzila maboko kudzimu.

IMu ku shingikadziwa kwe bubili kwe buporofiti igogu . . .

(G) Nti wa ka be u milila yani?—Bala 1 Shingikalo 29:23.
(H) Mbuso wabo wa ka misiwa chini? To ziba chini kuti wa ka be u cha ka misiwa ha Jesu ali mu shango?—Bala Luka 21:24.
(I) Mbuso iwoyi wa ka tangisa kakale lini, na ngayi?

KU SHINGIKADZIWA KWE BUBILI

Mbuso

(G) Boshe be Iziraela ba no milila mbuso we Ndzimu

Boshe ba no tobelana be Iziraele ba li gele mu zwitilo zwe bushe. Chedza cho penyela mu bali.

Mbuso wa ka misiwa

(H) Ku chinyiwa kwe Jerusalema, ko misa ku tobelana kwa boshe be Iziraela mu makole ali 2 520

Moto u chinya Jerusalema wa ntolo ne gole le 607 B.C.E. Shule kwa ikoko ko pinda makole ali 2 520.

Mbuso wa tangisa kakale

(I) Jesu u no tangisa ku busa kudzimu ali She we Bushe gwe Ndzimu

Jesu e busa pezhugwi kwe shango a mi itilo chiche che Bushe ku tangisa ne gole le 1914 C.E. Chedza cho penya ku dwa mu nli.

Zwibaka zwili kutendeka zo milila chibaka chingapani?

Ndimana dzingwe dze Baibili dzo ti batsha ku hwisisa dzingwe. Ha ti lakidzila, buka ye Baibili Zumbunulo, ikati makole kene zwibaka zwili zwitatu ne gaswa (3 1⁄2) zo lizana ne mazhuba ali 1 260. (Zumbunulo 12:6, 14) Zwibaka zwili zwitatu ne gaswa zo ngina kabili mu zwibaka zwili kutendeka, kene mazhuba ali 2 520. Mu zwingwe zwibaka Baibili i no shingisa zhuba ku milila gole. (Ezekieli 4:6) Kwa ka jalo ne kwe zwibaka zwili kutendeka zwa ka lebgwa mu buka ya Daniele—zo milila makole ali 2 520.

5. Kutangisa ne 1914 shango ya ka shanduka

Zana VIDIYO.

VIDIYO: Kutangisa ne 1914 Shango ya ka Shanduka (1:10)

Jesu wa ka lebela mbeli chi nowo shigikala mu shango shule kwe kuti a be She. Bala Luka 21:9-11, mu be mu lebesana ne kwe buzo i no tobela:

I zwithu zwipi zwa lakidziwa mu ndimana iyeyi, zwa wa ka bona kene hwa ne kwazo?

Mpostolo Paulo wa ka leba kuti bathu ba nowo be ba ka tini mu mazhuba e bupelo e ku busa kwe nthu. Bala 2 Timoti 3:1-5, mu be mu lebesana ne kwe buzo i no tobela:

A wa ka tongo bona bathu be zwibata ne zila ya ka jalo ngwenu?

Zwitshwantsho: Zwi no lakidza mamo e shango ne buthu mu mazhuba e bupelo. 1. Ntungamili we masole e mimila a ka milidza maboko. 2. Mibako ya ka chinyika shule kwe ku zungudzika kwe shango. 3. Dzi fly-machine dze masole. 4. Bathu be yenda ba ka mbala dzi-mask bali kuzhe. 5. Twin Towers ku New York dzo pisiwa ne moto shule kwe thaselo ye zwigebenga. 6. Nlume e shingisa dzi-drugs. 7. Nlume u no milidzila nkadzi uwe veisi e ntuka. 8. Dzi-drugs dza ka siyasiyana ne masukwa. 9. Bakadzi babili ba no da fashion be zwitola itshwantsho. 10. DJ e mba ne bathu mu maedziso. 11. U mu strike e posa Molotov cocktail.

6. Ku busa kwe Bushe gwe Ndzimu ko ti sendedzela

Bala Matewu 24:3, 14, mu be mu lebesana ne kwe buzo dzi no tobela:

I nshingo upi u no tolegwa pezhugwi u no lakidza kuti Bushe gwe Ndzimu go busa?
U nga batsha chini mu nshingo iwoyo?

Bushe gwe Ndzimu go busa ngwenu, ngono go dwa gu busa shango yose mu chibaka cha swika. Bala Bahebera 10:24, 25, mu be mu lebesana ne kwe buzo i no tobela:

Nngwe ne nngwe wedu wa ka fanila ku thamani ha “zhuba le kuzha kwa She losedzela pejo”?

Zwitshwantsho: 1. U no zwidiya Baibili ali ku zwidiyo zwe gubungano zwe Bafakazi ba Jehova. 2. U no rerela wa a no ziba. — Ha wa zwidiya ne kwe chingwe cha u no ziba kuti chi nga batsha bangwe, u nowo thamani?

UNGWE U NGANA A KATI: “Ini Bafakazi ba Jehova be lebeleka kwazo ne kwe 1914?”

Iwe u nga tini?

CHA WA ZWIDIYA

Buporofiti gwe Baibili, ku tobelana kwe zwa ka shingikala, ne mamo e shango, zo lakidza kuti Bushe gwe Ndzimu go busa ngwenu. Ku rera ne kwe Bushe ne ku be po mu zwidiyo zwe gubungano ko lakidza kuti to duma kuti go busa.

U Nga Tini?

Kwa ka shingikalani mu bupelo gwe zwibaka zwili kutendeka zwa ka lebegwa mbeli mu buka ye Baibili ya Daniele?
Ini u duma kuti Bushe gwe Ndzimu gwa ka tangisa ku busa ne 1914?
U nga lakidza chini kuti u no duma kuti Bushe gwe Ndzimu go busa ngwenu?

Thuto ya pela ne:

Zwimisile

Ku fanilika ku be nreri we ndebo mbuya.

Ne:

Your other goal

SHAKISISA

Bona kuti be histori ne bangwe, ba no tini ne kwe ku shanduka kwe chi no shingikala mu shango ku tangisa ne 1914.

“Ku Bangalala kwe Mazwibato” (Mukani!, April 2007)

Bala se kwa buporofiti gu mu na Matewu 24:14, gwa ka ama buchilo gwe nngwe nlume.

“Nda ka be Ndi Da Baseball ku Pindisa Chingwe ne Chingwe!” (Thungamakole No. 3 2017)

To ziba chini kuti buporofiti gwa ka kwagwa mu na Daniele ndima 4 go lebeleka ne kwe Bushe gwe Ndzimu?

“Bushe Gwe Ndzimu Gwa ka Tangisa ku Busa Lini? (Ipithu 1)” (Thungamakole, October 1, 2014)

Ini chi no lakidza kuti “makole [zwibaka] a li kutendeka” a ka lebgwa mu na Daniele ndima 4 a ka wila ne 1914?

“Bushe Gwe Ndzimu Gwa ka Tangisa ku Busa Lini? (Ipithu 2)” (Thungamakole, November 1, 2014)

a Bona dzitshambiso mbili dze bupelo mu thuto iyeyi pa ka kwagwa “Shakisisa.”