THUTO 36
Ibe ne Lebeswa mu Zwithu Zose
To shaka ku be ne bakhwinya ba na lebeswa. Kakale, Jehova wa ka lingilila kuti bakhwinya babe ba be ne lebeswa. Ngono, ku nga ti simila mu shango iyeyi i zhele bathu banjinji ba si na lebeswa. Ku be ne lebeswa mu zwithu zose ku nga ti batsha chini?
1. Ini dumbu ta ka fanila ku be ne lebeswa?
Ha ti na lebeswa, to lakidza Jehova kuti to nda kakale to nteta. Ziba kuti, Jehova u no ziba chingwe ne chingwe cha ti no kumbula ne thama. (Bahebera 4:13) U no bona ha ti shalula ku be ne lebeswa, ngono u no shathila ichecho kwazo. Dama lile likati: “Ngobe nthu mbiimbi unoshimisa kuna Yahwe koga nlulwami umu bhapilo lile.”—Zwiani 3:32.
2. Ti nga lakidza ku be ne lebeswa chini mu chingwe ne chingwe?
Jehova wa kati: “Lebelanani malebeswa.” (Zakariya 8:16, 17) Ichecho cho dwani? Ha ti to budza be misha yedu, ba ti no shinga nabo, bazwalani ne dziazwadzi dzedu, kene bashingi ba hurumente, manyepkhwa. Bathu ba na lebeswa ha ba to kwiba kene ku chebela bangwe. (Bala Zwiani 24:28 ne Baefeso 4:28.) Kakale ba no ruela makhetho ose a ba no kolota. (Baroma 13:5-7) Ichecho cho dwa kuti, to “shinga ndulamo mu tjimwe ne tjimwe.”—Bahebera 13:18.
3. Ku be ne lebeswa ku nga ti batsha chini?
Ha ti zibgwa tili bathu ba na lebeswa, bangwe ba nowo ti themba. To thama kuti bose ba hwe ba ka bakililika mu gubungano, koga se mu nsha. To be ne chikumbuludzi chibuyanana. Kakale ku be ne lebeswa ku nga thama “kuti bubuya gwe zwidiyo zwe Ndzimu Ntjidzi wedu guzwilakidze,” ne ku kwebela bose ba si Bafakazi ba Jehova mu ku namata kwe malebeswa.—Tito 2:10.
ZWIDIYE KWA KA NGINILILA
Bona kuti Jehova u no zwiwa chini ha u na lebeswa, kakale u zwidiye se kwa u nga be ne lebeswa mu mamo a ka siyasiyana.
4. Ku be ne lebeswa ko shathisa Jehova
Bala Pisalema 44:21 na Malaki 3:16, mu be mu lebesana ne kwe buzo dzi no tobela:
Ini u kumbula kuti ha te buchenjedu ku dumila kuti ti nga sumbika malebeswa?
U no kumbula kuti Jehova u no zwiwa chini ha ti shalula ku leba malebeswa, nenguba kwa ka ti simila ku thama ti jalo?
Ha bana be leba malebeswa, ba no shathisa bazwadzi babo. Ha ti leba malebeswa, to shathisa Jehova
5. Ibe ne lebeswa mu zwibaka zose
Bathu banjinji ba no duma kuti ku be ne lebeswa ha ku to batsha mu zwibaka zose. Ngono bona kuti ini ta ka fanila ku be ne lebeswa mu zwibaka zose. Zana VIDIYO.
Bala Bahebera 13:18, mu be mu lebesana ne kwe kuti ti nga be ne lebeswa chini mu . . .
nsha wedu.
nshingo kene ku ikwele.
mamo angwe.
6. Ku be ne lebeswa ko ti batsha
Ku be ne lebeswa ku nga ti longa mu mathatha angwe. Ngono mu ku yenda kwe chibaka kowo boneka kuti ndiko kwa ka lulwama. Bala Pisalema 34:12-16, mu be mu lebesana ne kwe buzo i no tobela:
Ku be ne lebeswa ko thama kuti buchilo gugo gu be butuka chini?
Balume ne bakadzi ba na lebeswa ba no simisa ndobolo yabo
Bahiri ba no themba bashingi ba na lebeswa
Bashingi ba hurumente ba no themba bathu ba na lebeswa
BATHU BANGWE BA KATI: “Ku leba manyepkhwa ka ngompela ha ku to ti chingwe.”
Ini u duma kuti Jehova u no shema manyepkhwa ose?
CHA WA ZWIDIYA
Jehova u no shaka kuti bakhwinya babe ba be ne lebeswa mu chingwe ne chingwe cha ba no leba ne thama.
U Nga Tini?
I zila dzipi dzingwe dza ti nga lakidza ku be ne lebeswa?
Ini isi buchenjedu ku kumbula kuti ti nga sumbika malebeswa?
Ini u shaka ku be ne lebeswa mu zwibaka zose?
SHAKISISA
Bazwadzi ba nga diya bana babo ku be ne lebeswa chini?
Ku shingikadza cha ta ka thembesa, ko ti batsha chini?
Bona kuti a ta ka fanila ruela makhetho, ne a si nga shingisiwe zwibuyanana.
“Makhetho—A wa ka Fanila ku a Ruela?” (Thungamakole, September 1, 2011)
Ini cha ka thama kuti nlume wa ka be a si na lebeswa a shandule buchilo gugwe, ngono a be ne lebeswa?
“Nda ka Zwidiya Kuti Jehova u na Mahwilangoni Kakale u no Zwibatigwa” (Thungamakole, May 1, 2015)