Ti Nga be Babuyanana Chini mu Mesho e Ndzimu?

Kumbula mme ba na ludo be baakanyila msana wabo ku yenda ku ikwele. Ba no bona kuti a wa ngula kakale kuti zwiambalo zwizwe zwi buyanana. Ichecho cho thama kuti a be ne mamuko a ka lulwama kakale cho lakidza bangwe kuti bazwadzi babe ba no nthokomela. Ne zila i no fanana, Tate bedu ba na ludo, Jehova, ba no shaka kuti ti be babuyanana mu mbili ne mu mazwibato. Ha tili babuyanana, ti nga shathila buchilo kakale ti nga kudza Ndzimu.

1. Ti nga be babuyanana chini mu mbili?

Jehova u noti budza eti: “Yengemalani.” (1 Pita 1:16) Ku be babuyanana mu mbili ne mu mazwibato ko yendidzana ne ku yengemala. Ti nga be babuyanana mu mbili ha ti ngula mu zwibaka zose ne ku thama kuti zwiambalo zwedu, nzi, ne mota zwi gale zwi lingika zwibuyanana. Kakale ti nga batsha kuti Holo yedu ye Bushe i lingike zwibuyanana. Ha tili babuyanana mu mbili to kudza Jehova.​—2 Bakorinta 6:3, 4.

2. Ta ka fanila lamba mazwibato api kuti ti be babuyanana?

Baibili i noti kumbuludza kuti: “Ngatizwitjenapadzeni mu tjimwe ne tjimwe tjinotemapadza mbili ne meya.” (2 Bakorinta 7:1) Ndizo ti gwisa ku lamba chingwe ne chingwe, chi nga chinya mibili kene mikumbulo yedu. Cha ti no kumbula cha ka fanila ku shathisa Jehova, ndizo ti thama kose kwa ti nga khona ku lamba mikumbulo i sa ka lulwama. (Pisalema 104:34) Kakale a ti to shingisa masapa.​—Bala Bakolosa 3:8.

Ini kakale chi nga thama kuti ti si be babuyanana mu mibili ne mu mazwibato? Ku na zwithu zwingwe zwi nga chinya mibili yedu. Ndizo ti lamba ku thuta fojo, mbanje, ne ku shingisa dzi-drugs. Ha ti lamba zwithu izwezwi, towo muka zwibuyanana kakale towo be ti lakidza kuti to tolela pezhugwi chipo che buchilo. Towo be ti gwisa ku be babuya mu mazwibato, ha ti gwisana ne mishingo isi mibuyanana i nonga masturbation ne ku lingilila pornography. (Pisalema 119:37; Baefeso 5:5) Ku nga ti simila ku misa mazwibato iyawa, ngono Jehova u nga ti batsha ku thama ti jalo.​—Bala Izaya 41:13.

ZWIDIYE KWA KA NGINILILA

3. Ku be babuyanana mu mbili ko kudza Jehova

Ti nga hwisisa zila ya Jehova ya a no linga bubuyanana nayo ha ti lingisisa milayo ya a ka pa Baiziraela ba ntolo. Bala Ekezodo 19:10 ne 30:17-19, mu be mu lebesana ne kwe buzo dzi no tobela:

• Ndimana idzedzi dzo lakidza kuti Jehova u no linga ku be babuyanana mu mbili chini?

• Mazwibato api a nga thama kuti u dwilile uli mbuyanana mu mbili?

Ku be mbuyanana mu mbili ko sheta nako ne mazwimisilo. Ku be babuyanana a te khani ye kuti to gala ngayi kene kuti nthu i nfumi kene nshayi. Zana VIDIYO, mu be mu lebesana ne kwe buzo i no tobela.

VIDIYO: Ndzimu U no Da Bathu ba Buyanana (4:10)

• Ku be zwithu zwedu zwi gala zwi lingika zwibuyanana, ku nga kudza chini nshingo wedu we ku rera?

4. Misa mazwibato a sa ka lulwama

Ha u thuta fojo kene u shingisa dzi-drugs, wa ka fanila u ziba kuti kwa ka sima ku ngapani ku misa. Ini chi nga batsha? Lingisisa kuti mazwibato iyawa a no ku ama chini. Bala Matewu 22:37-39, mu be mu lebesana ne kwe kuti ku thuta fojo kene ku shingisa dzi-drugs ku nga ama chini . . .

• bukhwinya gwe nthu na Jehova.

• nthu ne be nsha uwe kene bangwe.

Thama ndongoloso ye ku misa mazwibato a sa ka lulwama.a Zana VIDIYO.

VIDIYO: Se Kwa U Nga Zwibata (2:47)

Bala Bafilipi 4:13, mu be mu lebesana ne kwe buzo i no tobela:

• Ntembezelo, ku zwidiya Baibili, ne ku be po ku zwidiyo ku nga batsha chini nthu ku misa mazwibato a sa ka lulwama?

5. Gwisana ne mikumbulo ne mishingo i sa ka lulwama

Bala Bakolosa 3:5, mu be mu lebesana ne kwe buzo dzi no tobela:

• To ziba chini kuti ku lingilila pornography, sexting, ne masturbation, i zwithu zwi si zwibuyanana mu mesho a Jehova?

• A u no kumbula kuti ko hwikala ku be Jehova a ka lingilila kuti ti be ne mazwibato mabuyanana? Ne kutini?

Bona se kwa u nga gwisana ne mikumbulo isi mibuyanana. Zana VIDIYO.

VIDIYO: Thama Chingwe Kuti u Dwilile Uli Mbuyanana (1:51)

Jesu wa ka shingisa chilakidzilo ku lakidza kuti ta ka fanila ku thama chingwe kuti ti dwilile ti na mazwibato mabuyanana. Bala Matewu 5:29, 30, mu be mu lebesana ne kwe buzo i no tobela:

• Nenguba Jesu a ka be a si nga dwe kuti, ti zwikubadze mu mbili, wa ka lakidza kuti ku na cha ta ka fanila ku thama. Nthu u nga shalula ku thamani kuti a khone ku lamba mikumbulo isi mibuyanana?b

Jehova u no tolela pezhugwi mazwimisilo awo, e ku gwisana ne mikumbulo isi mibuyanana. Bala Pisalema 103:13, 14, mu be mu lebesana ne kwe buzo i no tobela:

• Ndimana iyeyi i nga ku batsha chini ku dwilila u gwisana ne mazwibato a si mabuyanana?

U si zwitoboke, dwilila u gwisa!

Akuzo sima kuti uti, ‘Nda kongwa, ndo lecha.’ Ngono kumbula ne kwa yechi: U no labuka ha e wa, a ku to dwa kuti wa kongwa ne lubilo, kakale a ku to dwa kuti wa ka fanila ku tangisa lubilo kakale. Ne zila i no fanana, ha u nga thama cha ka bipa kakale, ha ku to dwa kuti wa kongwa. Kakale ha ku to dwa kuti mazwimisilo awo a konela cha chose. Ku gwilila mu mazwibato iyawa ko shingikala. U si zwitoboke, dwilila u gwisa! Jehova u nga ku batsha ku misa mazwibato iyawa a sa ka lulwama.

CHA WA ZWIDIYA

To shathisa Jehova ne ku thama kuti mibili yedu, mikumbulo yedu, ne mazwibato edu a be mabuyanana.

U Nga Tini?

• Ini ta ka fanila ku tolela pezhugwi ku be babuyanana?

• Ini cha u nga thama kuti u be mbuyanana mu mbili?

• U nga thama chini kuti mikumbulo ne mazwibato awo a dwilile ali mabuyanana?

SHAKISISA

I zwithu zwipi zwi sa ka ku simila zwa u nga thama kuti u dwilile uli mbuyanana mu mbili nenguba u sa ka fuma.

Mamuko ne Bubuyanana​—Ku Ngula Maboko (3:01)

Bona zila dzi nga ku batsha ku misa ku thuta.

“Se Kwa u Nga Misa ku Thuta” (Mukani!, May 2010)

Bona Kuti ku Lingilila Pornography ku Nga ku Kubadza Chini.

“Pornography​—A Dumbu ha i na Mbatsha Kene i Nga ti Kubadza?” (Thungamakole, August 1, 2013)

Bona se kwa nlume nngwe a ka khona ku misa ku lingilila pornography.

“Nda ka Kongwa Kanjinji, Ngono Ndi ka Khona” (Thungamakole No. 4 2016)