THUTO 53

Shalula Maedziso a no Shathisa Jehova

Ya ka Tshambisiwa

Jehova i “Ndzimu . . . una makombolelo” kene wa ka shatha. (1 Timoti 1:11) U no shaka kuti ti shathe ne ku shathila buchilo. U no shatha ha ti zwipa nako ye ku zwinyatutusa shule kwe nshingo. Mu thuto iyeyi, towo bona se kwa ti nga shingisa maedziso ne zila ya ti no a shathila, kakale ti shathisa Jehova.

1. Ini cha ta ka fanila ku alakana ha ti shalula maedziso?

Ini cha u no da thama ha u zwinyatutusa? Bangwe ba no shaka ku shingisa nako yabo ye ku zwinyatutusa bali ku nzi—be bala buka, be teedza nlidzo, ku lingilila dzifilimi, kene ku ngina mu inthanete. Bangwe ba no shathila ku thama chingwe ne bakhwinya—se ku yenda ku no zwilobesa phepo, ku bukucha, kene ku zana mizano. Kene ili ini cha ti no da, ta ka fanila shalula chi no “shathisa She.” (Baefeso 5:10) Ta ka fanila ku hwisisa ichecho ne kuti mu bunji gwe maedziso ngwenu, ku na zwithu zwi no shemiwa na Jehova, se phiphiti ne nghwa, mazwibato a sa ka lulwama e ku shanganila ngubo, kene budimoni. (Bala Pisalema 11:5.) Ini chi nowo ti batsha kuti ti shalule maedziso edu zwibuyanana?

Ha ti shalula bakhwinya ba no da Jehova, ba nga ti batsha kuti ti shalule maedziso a ka lulwama. Se kwa ta ka zwidiya mu thuto ya ka pinda, “Iye unoyenda ne bathu bakatjenjela unotjenjelabo.” Ngono, ha ti nga dwilila ti shingidzana ne bathu ba si nga de milayo ye Ndzimu ye mazwibato, towo “ngina mu mbatsha.”—Zwiani 13:20.

2. Ini ta ka fanila ku zwilingilila kuti to shingisa nako i ngapani mu maedziso edu?

Nenguba ta ka shalula maedziso a ka lulwama, ta ka fanila ku zwidzibila kuti ti si tongo shingisa nako njinji mu ali. Ha ku nga jalo, towo pelela ti sina nako ye ku thama mishingo i no tolegwa pezhugwi. Baibili i no ti kumbuludza ku “shingisa zubuyanana tjibaka tjimwe ne tjimwe.”—Bala Baefeso 5:15, 16.

ZWIDIYE KWA KA NGINILILA

Zwidiye se kwa u nga shalula maedziso zwibuyanana.

3. Lamba maedziso a sa ka lulwama

Ini ta ka fanila ku shalula maedziso zwibuyanana? Zana VIDIYO, mu be mu lebesana ne kwe buzo dzi no tobela.

VIDIYO: Nda ka Fanila Shalula Maedziso a ka Tini? (4:39)

Mizano ye nghwa ya ka be i zangwa ku Roma wa ntolo i no fanana chini ne mizano ya ngwenu?
Mu vidiyo, Danny wa ka zwidiyani ne kwe mizano?

Bala Baroma 12:9, mu be mu lebesana ne kwe buzo i no tobela:

Ndimana iyeyi, ya ka fanila ku ku batsha chini ku shalula maedziso a ka lulwama?

Jehova u no shema zwithu zwipi zwingwe? Bala Zwiani 6:16, 17 ne Bagalatiya 5:19-21. Shule kwe ku bala ndimana ingwe ne ingwe, lebesanani ne kwe buzo i no tobela:

I zwithu zwipi zwi no lebgwa mu ndimana iyeyi zwa ka jwaeleka mu maedziso ngwenu?

Se kwa u nga shalula maedziso zwibuyanana

Zwibuzwe:

Ini? A a na chingwe chi no shemiwa na Jehova?
Lini? A a no ndi tolela nako ya ndi no be ndi thama zwithu zwi no tolegwa pezhugwi?
Yani? A a no thama kuti ndi be ne bukhwinya ne bathu ba si nga de Jehova?

Ku be kulekule ne mbatsha ku nga ti lulwamila. Ndizo ta ka fanila ku be kulekule ne maedziso a ti no bilaela kuti haazo ti lulwamila

Mota i yenda pa ndzibo we zila i mu dombo. Gungwana li shule la chi buda mu zila.

4. Shingisa nako iyo zwibuyanana

Zana VIDIYO, mu be mu lebesana ne kwe buzo i no tobela.

VIDIYO: Ini Chi no Laula Nako Iyo? (2:45)

Nenguba nzwalani u mu vidiyo a ka be e lingilila chi si na nlandu, wa ka amiwa chini ne nako iye ye maedziso?

Bala Bafilipi 1:10, mu be mu lebesana ne kwe buzo i no tobela:

Ndimana iyeyi i nga ti batsha chini mu kuti to shingisa nako i ngapani mu maedziso?rse help us decide how much time we spend on recreation?

5. Shalula maedziso a ka lulwama

Nenguba ku na maedziso a si nga shathise Jehova, ku na zwithu zwinjinji zwa a no amuchila, zwi no shathisa zwa ti nga thama. Bala Nreri 8:15 ne Bafilipi 4:8, mu be mu lebesana ne kwe buzo i no tobela:

Maedziso api a ka lulwama a u no da?

Zwitshwantsho: Bathu be makole a ka siyasiyana be shathila maedziso ne ku zwinyatutusa kwa ka lulwama. 1. Ngwana wa ka teedza nlidzo e drowa. 2. Bazhuzha batatu be zana basketball. 3. Baisana babili be chova dzibaisikili. 4. Msana e zwithamila mota. 5. Nlume e loba dumba. 6. Msana e zana video game na tate babe. 7. Nkadzi e tola fota. — U nga shathila maedziso ne ku zwinyatutusa kwa ka lulwama

BATHU BANGWE BA KATI: “Akuna nlandu ku lingilila maedziso a na nghwa, mazwibato a sa ka lulwama ne budimoni, koga ha ndi si nga thame zwithu izwezwi.”