THUTO 54

Nshingo we “Nlanda Unogagwabgwe, Wakatjenjela”

Ya ka Tshambisiwa

Nsholo we gubungano le Bukirisiti ndi Jesu. (Baefeso 5:23) Mu mamo awe ali kudzimu ngwenu, Jesu wa ka tungamila batobeli babe mu shango e shingisa “nlanda unogagwabgwe, wakatjenjela.” (Bala Matewu 24:45.) Ne kuti “nlanda” iwoyo wa ka shalugwa na Jesu, u na ndaulo, ngono u nowo dwilila ali nlanda wa Kirisiti ne ku shingila banunguna ba Kirisiti. Nlanda iwoyo ndi yani? Ngono u no ti thokomela chini?

1. “Nlanda unogagwabgwe, wakatjenjela” ndi yani?

Jehova wa ka gala e shingisa nlume kene gubungano litukununu le balume ku pa bathu babe ndayilo. (Malaki 2:7; Bahebera 1:1) Shule kwe lufu gwa Jesu, baapostolo ne bakugwana ku Jerusalema ba ka tungamila gubungano. (Mishingo 15:2) Ne zila i no fanana, ngwenu gubungano le bakugwana—Gubungano li no Laula le Bafakazi ba Jehova—lo pa ndongoloso ye ku namata ne ku tungamila mu ku rera. Gubungano ileli ndilo ‘nlanda unogagwabgwe, wakatjenjela wa ka bigiwa na Jesu.’ (Matewu 24:45a) Bose be Gubungano li no laula i Bakirisiti ba ka shalugwa ne meya dza ka yengemala, ba nowo busa na Kirisiti mu Bushe gugwe gwe kudzimu, ha buchilo gwabo mu shango gu wila.

2. Nlanda u no gagwabgwe u no ti pa ndongoloso ipi?

Jesu wa kati nlanda u no gagwabgwe a pe Bakirisiti naye “zojiwa zwabo nge tjibaka tjakalingisana.” (Matewu 24:45b) Koga se zojiwa zwi ti batsha ku dwilila ta ka sima mu mibili ne ku be ne mamuko a ka lulwama, ndayilo dzi no dwa mu Dama le Ndzimu dzo thama kuti ti thembeke mu na Jehova kakale ti thame nshingo wa ta ka piwa na Jesu. (1 Timoti 4:6) To amuchila ndongoloso iyeyo ye ku namata ku zwidiyo, mishangano mitukununu ne mikulu, kose ne dzitshambiso ne dzividiyo dza ka teiwa mu Baibili, dzi no ti batsha ku hwisisa ku da kwe Ndzimu ne ku simisa bukhwinya gwedu naye.

ZWIDIYE KWA KA NGINILILA

Bona kuti ini ti sheta “nlanda unogagwabgwe, wakatjenjela”—Gubungano li no Laula.

Zwitshwantsho: Bafakazi ba Jehova mu shango yose be amuchila ne tobela ndayilo i no dwa ku Gubungano li no Laula. 1. Nsha wa ka lingilila chingwe mu JW Broadcasting. 2. Bafakazi be zwipa ku longa mu tiraka zwi no batsha ba ka wigwa ne dzingozi. 3. Bafakazi babili be rera be shingisa kara ye dzibuka. 4. Nkugwana e bala likwalo mu zwidiyo zwe gubungano. — Gubungano li no Laula lo pa ndongoloso ye ku namata, ndayilo, ne ku batsha Bafakazi ba Jehova mu shango yose

3. Bathu ba Jehova ba ka fanila ku be ne ndongoloso

Gubungano li no Laula lo longolodza nshingo we Bafakazi ba Jehova li layigwa na Jesu. Ndicho cha ka be chi shingikala mu chibaka che Bakirisiti be kutanga. Zana VIDIYO.

VIDIYO: Jehova u na Ndongoloso mu Bathu Babe (6:18)

Bala 1 Bakorinta 14:33, 40, mu be mu lebesana ne kwe buzo i no tobela:

Ndimana idzedzi dzo lakidza chini kuti Jehova u no shaka kuti Bafakazi babe ba be ne ndongoloso?

4. Nlanda u no gagwabgwe u no longolodza ku rera kwedu

Bakirisiti be kutanga ba ka be be tolela pezhugwi ku rera. Bala Mishingo 8:14, 25, mu be mu lebesana ne kwe buzo dzi no tobela:

Mu Bakirisiti be kutanga, ndi yani wa ka be a ka tungamila ku rera?
Pita na Johani ba ka dabila chini ndayilo ye baapostolo nabo?

Gubungano li no Laula lo longolodza nshingo u no tolegwa pezhugwi we ku rera. Zana VIDIYO.

VIDIYO: Ku Biga Nkumbulo mu ku Rera (1:24)

Jesu wa ka tshambilidza se kwa ku rera ili chingwe cha ka fanila ku tolegwa pezhugwi. Bala Mako 13:10, mu be mu lebesana ne kwe buzo dzi no tobela:

Ini Gubungano li no Laula li tolela pezhugwi ku rera?
Ini ti sheta “nlanda unogagwabgwe, wakatjenjela” ku longolodza nshingo iwoyo we shango yose?

5. Nlanda u no gagwabgwe ndiye u no pa ndayilo

Gubungano li no Laula lo pa Bakirisiti mu shango yose ndayilo. Lo shalula chini kuti i ndayilo ipi ya la ka fanila ku pa? Bona kuti gubungano li no laula le Bakirisiti be kutanga la ka be li thama ichecho chini. Bala Mishingo 15:1, 2, mu be mu lebesana ne kwe buzo dzi no tobela:

Ini cha ka thama kuti Bakirisiti bangwe be kutanga be nyanyaidzane?
Paulo, Bhanabhasi, ne bangwe ba ka yenda ku na yani ku baakanya khani iyeyi?

Bala Mishingo 15:12-18, 23-29, mu be mu lebesana ne kwe buzo i no tobela:

Gubungano li no laula le kutanga la ka lingisisani ku bona ndayilo ye Ndzimu mu khani iyeyo, li sathu li ka shalula?—Bona ndimana 12, 15, ne28.

Bala Mishingo 15:30, 31 ne 16:4, 5, mu be mu lebesana ne kwe buzo dzi no tobela:

Bakirisiti be kutanga ba ka amuchila chini ndayilo i no dwa ku gubungano li no laula?
Jehova wa ka ba batsha chini?

Bala 2 Timoti 3:16 na Jakuba 1:5, mu be mu lebesana ne kwe buzo i no tobela:

Ngwenu Gubungano li no Laula lo kumbila batsho ngayi ha la ka fanila ku shalula chingwe?

BATHU BANGWE BA KATI: “Ha u teedza Gubungano li no Laula, u nowo be u tobela bathu.”

Ini u duma kuti Jesu wa ka tungamila Gubungano li no Laula?

CHA WA ZWIDIYA

Gubungano li no Laula i “nlanda unogagwabgwe, wakatjenjela” wa ka shalugwa na Kirisiti. Lo pa Bakirisiti mu shango yose ndayilo ne ndongoloso ye ku namata.

U Nga Tini?

Ndi yani wa ka shalula “nlanda unogagwabgwe, wakatjenjela”?
Gubungano li no Laula lo ti thokomela chini?
A u no duma kuti Gubungano li no Laula i “nlanda unogagwabgwe, wakatjenjela”?

Thuto ya pela ne:

Zwimisile

Ku dwilila u tembezelela Gubungano li no Laula kuti Jehova ali batshe se kwa 2 Bathesalonika 3:1, i kumbuludza.

Ne:

Your other goal

SHAKISISA

Bona se kwa Gubungano li no Laula la ka longolodziwa ku thama nshingo walo.

“Gubungano li no Laula le Bafakazi ba Jehova Ini?” (Web article)

Zwidiye se kwa Gubungano li no Laula li lingisisa kuti to amuchila ndongoloso i no thembeka ye ku namata.

Ku Thama Dzitshambiso Dzi na Lebeswa (17:18)

Ba mu Gubungano li no Laula ba no zwiwa chini ne kwe nshingo wa ba ka piwa na Jesu?

Nshingo wa ti no Tolela Pezhugwi (7:04)

Zwidiyo zwe gubungano ne mishangano dzo lakidza chini kuti Jehova ndiye u no layila Gubungano li no Laula?

Jehova u no Diya Bathu Babe (9:39)