THUTO 57

Ku Ingwi ha wa Thama Chibi Chikulu?

Ya ka Tshambisiwa

Nenguba u da Jehova kwazo, kakale u lika kwazo ku sa thama chingwe chi nga nhwisa zogwadza, u nowo thama dziphoso mu zwibaka zwingwe. Ne kwa ka jalo, zwibi zwingwe zwikulu kwazo kupinda zwingwe. (1 Bakorinta 6:9, 10) Ha wa thama chibi chikulu, kumbula kuti Jehova haazo misa ku ku da; u no shaka ku ku zwibatigwa ne ku ku batsha.

1. Ta ka fanila ku thamani kuti Jehova a ti zwibatigwe?

Ibabo ba no da Jehova ba no hwa zogwadza kwazo ha be bona kuti ba thama chibi chikulu. Ngono bathu ba Jehova ba no nyaladziwa ne thembeso iye ha eti: “Zwibi zwenyu kene zwili zwishaba se malopa, zowobe zwitjena se kapuku.” (Izaya 1:18) Ha ti shandukila zwibi zwedu, Jehova u nowo ti zwibatigwa. To shandukila zwibi zwedu chini? Ku be ta hwisiwa zogwadza ne cha ka bipa cha ta ka thama, to misa ku chi thama ti be ti kumbila Jehova kuti a ti zwibatigwe. Ku dwa ipapo to gwisa ku misa mikumbulo kene mikhwa ya ka thama kuti ti chinye, ngono ti be ti chila ne milayo ya Jehova ye mazwibato.—Bala Izaya 55:6, 7.

2. Ha ti chinya, Jehova u no shingisa bakugwana chini ku ti batsha?

Ha ta thama chibi chikulu, Jehova u no ti budza kuti ti “dane bakulu be gubungano.” (Bala Jakuba 5:14, 15.) Balume ibaba ba ka shalugwa ba no da Jehova ne pkhwizi dzidze. Ba no fanilika ku ti batsha ku baakanya bukhwinya gwedu na Jehova.—Bagalatiya 6:1.

Bakugwana ba no batsha chini ha ta thama chibi chikulu? Bakugwana babili kene batatu ba nowo ti batsha ku baakanya phoso, be shingisa Hwalo ku ti chemela. Kakale ba nowo ti batsha ne ku ti pa mikumbulo ye cha ti nga thama kuti ti si tongo buyilila chibi kakale. Ku bakilila gubungano kuti li si tongo amiwa ne mikhwa i sa ka lulwama, bakugwana ba no dusa nthu u si nga shandukile chibi chiche chikulu.

ZWIDIYE KWA KA NGINILILA

Paphidza ku bokela kuko batsho ya Jehova ha u nga thama chibi chikulu.

3. Ku leba cha ta thama ku nga ti batsha kuti ti pole

Chibi chingwe ne chingwe cha ti no thama cho ama Jehova, ngono ta ka fanila kuti ti mbudze cha ta thama. Bala Pisalema 32:1-5, mu be mu lebesana ne kwe buzo i no tobela:

Ini ili chithu cha ka lulwama kuti ti budze Jehova chibi cha ta thama mu bumo gwe ku chi sumbika?

Pezhugwi kwe ku budza Jehova zwibi zwa ta thama, towo sungunuka ha ti kumbila batsho mu bakugwana. Zana VIDIYO, mu be mu lebesana ne kwe buzo i no tobela.

VIDIYO: “Jehova u no Chemela ba a no Da” (3:01)

Mu vidiyo, bakugwana ba ka batsha Canon chini ku gwilila ku na Jehova?

Ta ka fanila ku sungunuka ne ku budza bakugwana malebeswa; ba no shaka kuti batsha. Bala Jakuba 5:16, mu be mu lebesana ne kwe buzo i no tobela:

Ku budza bakugwana malebeswa ku nga batsha chini kuti ba ti batshe?

Zwitshwantsho: 1. Nzwalani a ka hwa zogwadza kwazo a ka biga maboko mu nsholo. 2. Nzwalani u no tembezela Jehova. 3. Nzwalani u no lebeleka ne nkugwana mu founi. 4. Nzwalani u no shangana ne bakugwana bali 3. 5. Nzwalani u no ngwengwetela ne ku be a na chikumbuludzi chibuyanana. — Leba chibi cha wa thama, budza bakugwana malebeswa, ne ku amuchila batsho ya Jehova ye ludo

4. Jehova u na mahwilangoni mu bachinyi

Ha nthu wa thama chibi chikulu e lamba ku tobela milayo ya Jehova, u no dusiwa mu gubungano, ngono ha ti to shingidzana naye. Bala 1 Bakorinta 5:6, 11, mu be mu lebesana ne kwe buzo i no tobela:

Koga se kwa mbidzo i bidza bgwisa gose gwa ka vangwa, ku shingidzana ne nthu u si nga shake ku misa chibi cha a ka thama ku nga ama gubungano chini?

Bakugwana ba no tola thambo ye ku batsha nthu wa dusiwa mu gubungano, be yedza se kwa Jehova e hwilangoni bachinyi. Nenguba ku dusiwa mu gubungano ku gwadza, kwa ka batsha bunji gwe ba ka dusiwa, kuti ba zwialakane ngono ba gwilile ku gubungano.—Pisalema 141:5.

Zila Jehova ya a no shingidzana ne bachinyi i no lakidza chini kuti u no kumbulila, u na mahwilangoni, kakale u na ludo?

5. Jehova u no ti zwibatigwa ha ti shandukila chibi cha ta ka thama

Jesu wa ka shingisa chilakidzilo ku ti batsha ku hwisisa se kwa Jehova a no zwiwa, ha nthu e shandukila chibi cha a ka thama. Bala Luka 15:1-7, mu be mu lebesana ne kwe buzo i no tobela:

Ichecho cho ku diyani ne kwa Jehova?

Bala Ezekieli 33:11, mu be mu lebesana ne kwe buzo i no tobela:

Kuti nthu e shandukile chibi, ini cha a ka fanila thama?

Nlisi ne ludo e sunga pkhwizi ya kubala ne jila. — Se nlisi, Jehova u no amika kwazo ne kwe pkhwizi dzidze

BATHU BANGWE BA KATI: “Ndo cha kuti ha ndi nga budza bakugwana ne kwe chibi changu, ba nowo ndi dusa mu gubungano.”

Ini cha u nga budza nthu u no zwiwa ne zila ya ka jalo?

CHA WA ZWIDIYA

Ha ti hwisiwa zogwadza ne ku be ta ka thama chibi chikulu, kakale ta ka zwimisila ku misa ku thama cha ka bipa, Jehova u nowo ti zwibatigwa.

U Nga Tini?

Ini kwa ka lulwama ku budza Jehova zwibi zwedu?
Ini cha ta ka fanila thama kuti ti zwibatigwe zwibi zwedu?
Ini ta ka fanila ku kumbila batsho mu bakugwana, ha ta thama chibi chikulu?

Thuto ya pela ne:

Zwimisile

Ku ziba zwibuyanana bakugwana ba mu gubungano.

Ne:

Your other goal

SHAKISISA

Bona se kwa nngwe nlume a ka zwihwila ku zwibatigwa na Jehova kwa ka lakidziwa mu na Izaya 1:18.

Usi Tongo be u ka Bilaela ku Hwila Zogwadza Kwa Jehova (5:02)

Bakugwana ba no batsha chini bathu ba no thama chibi chikulu?

“Ku Linga Chibi ne Zila ye Ludo ne Mahwilangoni” (Thungamakole, August 2024)

Bona se kwa ludo ne mahwilangoni e lakidziwa bachinyi ba si nga shanduke.

“Se Kwa ku Nga Batshiwa ba ka Dusiwa mu Gubungano?” (Thungamakole, August 2024)

Mu nsholo u noti, “Nda ka be Ndi Sheta ku Gwilila ku na Jehova,” zwidiye kuti ini nlume wa ka be a buda mu malebeswa, a ka pelela e zwiwa kuti Jehova wa ka nkwebela kakale mu malebeswa.

“Baibili i no Shandula Machilo” (Thungamakole, April 1, 2012)