Shivele dashi shingumi ku Palaishu?

Yeova andivaupa Adamu namu Eva vinu vyoe vyambone. Kutunduvanga 1:28

Yeova andimumba nkongwe ntandi, Eva, na animupa Adamu pakulota ave ndyagwe.—Kutunduvanga 2:21, 22.

Yeova andivaumba na ding’ano na mili wakuuva shana hukavanee kasholo yoeyoe.

Pakaja pao pa Palaishu pavele ligwelo lyaku Edeni—pashinu pambone namene na lundipagwa lundi, milandi vyavyepo pamo na vanyama.

Yeova ashinatangola na vanao na ashinavapundisha. Kuleka vamwigwilidile, vakandivanao shingumi shikamalilika mu Palaishu momo mushilambo shapai.

Nnungu andivaulila pakulota havanalye shepo shanandi umo. Kutunduvanga 2:16, 17

Yeova andivalodya Adamu namu Eva nandi umo uvele muligwelo na andivaulila kenga vakalya shepo shake vandapela.

Njelo jumo andilivika kuva mmongo wa Nnungu. Njelo nkalau jo ni Shatani, Diabu.

Shatani halotile kumwona Adamu namu Eva vamwigwilila Yeova. Pave doni, nae andintumila nyoka pakulota kumwaulila Eva kenga, akalya shepo shanandi aula mwiko hapela, kanji akandilinganana na Nnungu. Au uvele uswang’a.—Kutunduvanga 3:1-5.