Yesu avele nyani?

Yeova anintumidya Yesu mushilambo. 1 Nshuwau 4:9

Pakulota tumupe Yeova lipuwilo ilateka tumwigwilile munu junji wakukulupilika. Wakati woe panyuma hakanava kumumba Adamu, Yeova animumba munu waimumu na wadimongo kuwa.

Ukapite wakati, Yeova anintumidya munu ajo pakulota akavalekwe ku Beteleemu kwa mwalindembo walina Maliya. Mwana ajo vanimupa lina lya Yesu.—Nshuwau 6:38.

Kenga munu mushilambo, Yesu andilodya shanashana vyambone vya Nnungu. Nae ave wantima wambone, wakuvanagwaledya vanu na yadao hashilitumbyanga. Mwa wakulyunga ntima, nae ashindavapundisha vanu umwiu umwe Yeova.

Yesu anditenda uwambone, kanji andivangadyeka. 1 Patulu 2:21-24

Yesu andivaponia valwele na andivatakatuwa vanu vakupela.

Vananangaledi vadidini vashinamangedya Yesu mwa nae ashindavalanga mapundisho ao akushang’apa na manamilo ao aukalau.

Vananangaledi vadidini vandivatubidya Valoma pakulota vankanyole Yesu na vammyae.