Mitenga shani vyambone vyavenavo Nnungu kwako?

1. Ni mitenga shani vyambone vyavenavo Nnungu kwako?

Nnungu alota vanu uti vavenavo shinamilo shambone mu shilambo. Nae andyumba shilambo shapai na uti vivele mwanavo mwaa nae ankuvanagwaledya vanu. Mu wakati wakuvandika, Nnungu andauka navapa vanu shinamilo shambone uti mu shilambo. Nae anauka namalidya ashilá shitadya vanu kuvauvanga.—Shomya Yelemiya 29:11.

Haipali ishilikali yoeyoe yulwile kumalidya ukalau, vilwele au kupela. Kanji vinkupagwa mitenga vyambone. Mu wakati wakuvandika, Nnungu anauka nabamola dishilikali dya vanu uti na kuvika ishilikali yake. Vanu valota kutawaligwa na Nnungu vanavanavo amani na shingumi shambone.—Shomya Ishaiya 25:8; 33:24; Daniyele 2:44.

2. Mwaa shani tunkulota namene mitenga avi?

Mauvilo landamalilika bai wakati Nnungu palota kuvamalidya vanu vakalau. (Soponiya 2:3) Vinu avi vilota kutandeka duvani? Ambi popa. Lilove lya Nnungu lindivalanga vinu vyakunyata vitandeka nelo. Napanelo, vinu avi vinkutulodya shalowa shana wakati undivandika Nnungu kuvamalidya vanu vakalau.—Shomya 2 Timoti 3:1-5.

3. Inkutuvaikila tutende nyamani?

Inkutuvaikila tulipundishe Lilove lya Nnungu, Ibibiliya, pakulota tumanye umwiu wake Nnungu. Ibibiliya ni kenga ibalugwa ya tatamunu wa linagwaledyo pameo petu. Yanavo inkutwaulila mwashi mwakutandela pakulota tuvenavo shinamilo shambone nelo, na mwashi mwakupatila shingumi shikamalilika mushilambo shapai. Kwaumwiu vanu vanji haivanagwela shinu wako kupata lipwashalelo lya kuigwa shana Ibibiliya. Kanji, wako haunakatoke litala ali lya kupata shingumi shambone mushu mwatuka.—Shomya Mikong’o 29:25; Maono 14:6, 7.