Lipanganiyange kwaambi apa kwaupande wa matatisho ashingangala ashingumi

Mwaa shani ni shambone kulipanganiyanga? Matatisho ashingumi lankuulula kumilila muwakati woewoe na shingangala. Napavedoni, katakela lipwashalelo lipagwite kwaambi apa likanava kumilila litatisho lya shingumi lyashingangala, pakulota shinu ashi shikatandeka upate inamuna yambone yakulaulilila. Ukatenda davo, wako undalodya kenga unkwishimu shingumi na malamulo lamwe Yeova kwaupande wa myadi.—Vit. 15:28, 29.

Shivaikidile utende nyamani pakulota ulipanganiyange?

• Shwali na upole na andika ikadi ivalanganga mwashi muvaikidile vakulaule, ishamegwa (DPA).a Vakwandadya ntenga vakubatishwa vankuulula kupata ikadi ya DPA kwa vanung’unumunu vanajaula mabuku na ikadi ikuvalanga (ii) kwaupande wa vadyoko.

• Ikava kenga uvele na shitumbo, vajugwe vanang’olo vashipinga vakupe ipotokopiya ya dyabali kwaupande wa avalá valinda kuvaleka (S-401). Ikadi ayo indakupwashela wako kumya wamushi wambone kwaupande wa vinu vilota kutandeka muwakati washitumbo na wakuvaleka.

• Ikava kenga inkulateka inamuna yakulaulilila itumika myadi au kulashwa ku shipitali, vamanyiye vanang’olo vashipinga na vamanyiye vamadiku kenga vandaida vatumika va Mashaidi va Yeova ndakulola.

Vanang’olo vashipinga vatenda nyamani? Vanavo vandakupwashela wako kwandikanga ikadi ivalanga inamuna yakulaulilila, ishamegwa DPA. Napavedoni, vanang’olo vashipinga havaumya shinu wamushi palyutu lyako au kumya maoni lavo kwa shinu shivaikidile kula munu aumye wamushi wake jo mwene. (Val. 14:12; Vagal. 6:5) Wako ukavaulila vanang’olo vashipinga shako kenga unkupitila matatisho kwaupande wa inamuna yakulaulilila itumika myadi, vanavo kwashipajelo vandatangola na vanung’unumunu vapwashela shipinga shungana na vipitali kwamwaa wako.

Shipinga shungana na vipitali shipwashela dashi? Vanung’unumunu vatumikila mushipinga shungana na vipitali vandavapundisha pakulota kuvapwashela avalá valota inamuna yakulaulilila na pakulota kuulula kuvaigwiniya shana vamadiku maoni shani latuvenavo kwaupande wa myadi. Vanavo vankuulula kuvalanganga inamuna yakulaulilila yambone íkatumika myadi. Wako ukalota, vanavo vankuulula kukupwashela pakulota umpate madiku amanya shana mwaa shani wako haunalota shinu vakulaule vatumila myadi.

LOLA VIDEO MWAKUMIDYA WAMUSHI WA INAMUNA YAKULAULILILA KWAUPANDE WA MYADI, NA BADAE JANG’ULA VYAKUDYA VYAATIKA:

• Nyamani shaulipundishdye mu video shilota kukupwashela kulipanganiyanga kwaupande wa matatisho ashingumi alateka kulaula vatumila myadi?

  Your answer