Livikile dishabaa dya mwimumu muwakati wa Kumbukumbu

Kula mwaka, venentete vake Yeova vandalindila pakulota kupagwa Pakumbukumbu pamo. Nkati ishumana ikanava na baada ya Kumbukumbu, wetu tundakatakela matala uti pakulota kuntumbyanga na kunnambwalela Yeova kwa shawadi ya lyambolelo. (Vaep. 1:3, 7) Kwampano, wetu tundalikanyalidya na ntima uti pakulota kuvalalika vanu vanji vapagwe Pakumbukumbu. Vanung’unumunu vanji vandatenda mpango pakulota kutumikila kenga mapionelu vakupwashela vawisha dishaa 30 au 50 mu Mwedi wantatu au Mwedi wansheshe. Da wako ushindalota wanjadyedya shimadengo sha kwandadya muwakati wa Kumbukumbu? Nyamani shilota kukupwashela wako kuulula kutenda davo?

Kwaumwiu, wetu tunkuulula kutandedya poe tukatenda mpango. (Mikon. 21:5) Pakuva wakati wa Kumbukumbu unkuvandikanga, ambi ni wakati wakwanjanga kutenda mpango. Kumbukila mwashi mwaulota kwanjadyedya shimadengo shako shakwandadya muwakati wa Kumbukumbu, na kumbukila nyamani shilateka utende pakulota utandedye dishabaa dyako. Badae njugwe Yeova pakulota alaliye kulikanyalidya kwako.—1 Nshuw. 5:14, 15.

Wako unkukumbukila dinamuna dyaulota kwanjadyedya shimadengo shakwandadya muwakati wa Kumbukumbu?