SHINAMILO SHA SHIKLISTU
Nkulupile Yeova muwakati waupitila kulimbuligwa
Kulimbuligwa kunkuulula kututadya kuvanavo shipalodi. Kwanavo mpaka kunkuulula kudabadabyanga umbodi wetu namu Yeova ikava kenga tundamalala vila muwakati wavapinga kulipudya kwetu. Ambi wako ulota kuulula dashi kulishililidya kwaupande wakulimbuligwa?
Vatumika voe vake Yeova vankuulula kutema kulimbuligwa kwa kunkulupila Yeova. (Di. 18:17) Kwampano, Eshiteli andítangola pakulota kuvalanganga mipango vya nkúlimbula nkalau walina Hamani. (Eshet. 7:1-6) Ákanava kutenda davo, nae andílodya kenga ankunkulupila Yeova kwa kunga kwikala vila bila kulya. (Eshet. 4:14-16) Yeova andyálaliya vitendo vyake na anínshililidya nae pamo na venentete vake.
Mmanemba, ikava kenga Mwenu munkupitila kulimbuligwa, jugwa lipwashalelo kumwe Yeova na tangolanavo nang’olo wakukamala, kwampano kenga vatatavako, kwaupande wa litatisho lyaupitila. Wako unkuulula kuvanavo wakika kenga Yeova andakupwashela kenga mwampwashaladíle Eshiteli. Napanelo shinu shani shinji shikuvaikidile wako utende pakulota uteme kulimbuligwa?
LOLA VIDEO SHINGUMI SHANGU SHA SHINEMBA—NGULOTA KUULULA DASHI KUTEMA KULIMBULIGWA? NA BADAE JANG’ULA VYAKUDYA VYAATIKA:
Vanemba vankulipundisha nyamani na mpano umwe Charlie namu Ferin?
Vatatamunu valipundisha nyamani na malove lamwe Charlie namu Ferin kwaupande wakuvapwashela vana kutema kulimbuligwa?