Vakushunga vankukola madengo kwa wambone wa venentete vake Yeova

Vanu voe havanavakulupila shinu avalá vavenavo madalaka. Mwaa shani inkutandeka davo? Mwaa vanu voe vankutumila mukunyata madalaka lavavenavo kwa dipaida dyavo vovene. (Mik. 7:3) Kanji wetu tunkulambwalela namene mwaa vanang’olo vashipinga vankupundishigwa pakulota vatumile madalaka lavavenavo kwa wambone wa venentete vake Yeova.—Eshet. 10:3; Mat. 20:25, 26.

Kuvilingananga na avalá vavenavo madalaka mushilambo, vanang’olo vashipinga vankukola madengo lavo kenga vakúwanela kwamwaa vankunnagwaledya Yeova pamo na venentete vake. (Nshuw. 21:16; 1 Pat. 5:1-3) Mwina mwaunanangalaledi wake Yesu, vakushunga ava vanampwashela kula nkwándadya ntenga pakulota aligwe kenga nae ankutenda imbande mulikola lyake Yeova na pakulota ammandike namene Yeova. Vanavo vandapajeka kuvapa ntima shii vangandolo vake Yeova na vandapwashela likaumilila litatisho lya shingangala kwaupande wa shingumi au shikatandeka shovya. Ikava kenga wako unkulota lipwashalelo, wona dashi kuva untandi kutangolanavo vanang’olo vashipinga shako?—Tiy. 5:14.

LOLA VIDEO VAKUSHUNGA VAVATÁNANA VANGANDOLO, NA BADAE JANG’ULA VYAKUDYA VYAATIKA:

• Mariana aukíle ndapatangila dashi mana lipwashalelo lyavaumídye vanang’olo vashipinga?

  Lijibu lyako

• Liyashi aukíle ndapatangila dashi mana lipwashalelo lyavaumídye vanang’olo vashipinga?

  Lijibu lyako

• Baada yakulola video avi, wako unkuligwa dashi kwaupande wa madengo lavatenda vanang’olo vashipinga?

  Lijbu lyako