SHINAMILO SHA SHIKLISTU
Yeova andavambola avalá vadidimenge imumu
Wetu uti myanda vinji tundavanavo shipalodi. Kuvanavo shipalodi hakunalodya shinu kenga wetu hatunankulupila shinu Yeova. Ata Yeova andílivalanga kenga andiwai kupitila shipalodi. (Kutund. 6:5, 6) Kanji tulota kutenda dashi tukavanavo shipalodi muwakati uti?
Shwali ujugwa lipwashalelo kumwe Yeova. Yeova ankutanana namene mwatuligwidya nkati mu makumbukililo letu. Nae ankutumanya muwakati watuvanavo lipuwilo na muwakati watuvanavo shipalodi. Nae ankumanya shana shatukumbukila na mwatuligwidya. (Di. 7:9b) Kupunda namene, Yeova ankututanana na ankuulula kutupwashela kutema kuligwa kuvanavo shipalodi au mpaka matatisho ammakumbukililo.—Di. 34:18.
Shililidya makumbukililo lako. Muwakati watudabadabanga, hatunakatoka bai lipuwilo, kanji yadavo umbodi wetu namu Yeova undambukishigwa. Ndyomana wetu, ituvaikidile tushililidye ntima wetu—munu wetu wa nkati.—Mikon. 4:23.
LOLA VIDEO VANUNG’UNUMUNU VETU VANKUPUWANGA NA AMANI ATA VAKAPITILA MATATISHO, NA BADAE JANG’ULA VYAKUDYA VYAATIKA:
Vinu shani vyatandíle Nikki pakulota kumpwashela kutema litatisho lya makumbukililo?
Mwaa shani Nikki andyona kenga immaikidile alambele lipwashalelo lya vamadiku?—Mat. 9:12
Mu dinamuna shani Nikki dyankulupidíle Yeova kenga anampwashela?