SHINAMILO SHA SHIKLISTU

Vapwashele vanu vákavenavo idini vammanye Namalunda wavo

Da wako undiwai kushishila kuvandadidya vanu vákavenavo idini, wona kenga vanavo havaigwilia shinu ntenga? Ikava davo, manya kenga vanu voe vákavenavo idini—kuvavika nkati avalá vákakubali kupagwa kwa Nnungu—vankuva Mashaidi va Yeova. Kwaumwiu, shavashilota vanavo ni lipwashalelo lidikidiki pakulota kulalyanga vinu vilodya kenga Nnungu apali.—Val. 1:20; 10:14.

OLA VIDEO LMANYA—VANU VÁKAVENAVO LIKULUPILILO VANKUULULA KUVANAVO!—VANU VÁKAVENAVO IDINI, NA BADAE JANG’ULA SHAKUDYA SHAATIKA:

Shakupitila shimwe Tommaso shikupwashadile dashi kuvanavo maoni ambone kwaupande wakuvandadidya vanu vákavenavo idini?

Lijibu lyako

Mwakutandela

Ikava kenga munu andikwaulila kenga hanamwamini shinu Nnungu, lodya wambone, tangola shana, na lodya kutanana kwiu kwaupande wa makumbukililo lake na mwaligwidya mu mwaa awo. (2 Tim. 2:24) Ambangila mwaa vinu vilota kunnagwela nae. Ambi nae akava tayali pakulota kwambangila mwaa vinu vivatadidye vanu voe kumwamini Namalunda? Ikava davo, tumila mabuku na video vyavapanganiyenge kwa ishabaa ayo. Ibulushula Uhai—Ulitokana na Muumba? Na Ibulushula Chanzo cha Uhai—Maswali Matano Muhimu Kuhusu Chanzo cha Uhai divele mulishanduku lyetu lyavikalelo vyakupundishidya pakulota halanakamadyange kupata.

Mu mwanda utandi, wako unkuulula kushishilla kumwandadidya munu ákamini kupagwa kwa Nnungu. Wona dashi kujugwa lipwashalelo kwa vakwándadya ntenga vanji? Namomo manya kenga, Yeova andatupwashela kuvapata avalá vatandalégwe kupata shingumi shíkamalilika—ata ikava kenga kunantandi havashamini kenga nae Apali.—Vit. 13:48