IMBANDE 5

Livambwe likumene—nyani amwigwilidile Nnungu? Na nyani hakamwigwilidile?

Vanu voe mumaduva amwe Noe vashitenda vyashikalau. Kutunduvanga 6:5

Vanjelo vanji vandilikandyangidya mili wa vanu pakulota vavalombe vakongwe

Adamu namu Eva vandivavaleka vana, na vanu vandiva voe mushilambo. Vanjelo vanji vandilyunganianga namu Shatani na vakava vamongo va Nnungu.

Vanao vandida pai na vandilikandyangidya mili wavanu pakulota vavalombe vakongwe. Vakongwe avó vandivavaleka vana vakulepanga namene, vakujowa na vakulindimalanga.

Nkongwe panyukete mwana na nnenba jumo pankanyola; milume vyakulapanga namene na vyakululumalanga,vana va vanjelo vakunyata, vavele vakalau

Mushilambo vandyumbala vanu vashitenda vinu vyashikalau. Ibibiliya inkutangola kenga: ‘Vitendo vyakunyatanga vyavanu mushilambo vindimamodya na makumbukililo ao andiva ngwengwe akunyata.’

Noe animwigwilila Nnungu na andidenga ingalava ikumene. Kutunduvanga 6:13, 14, 18, 19, 22

Noe ave munu wambone. Yeova andimwaulila Noe kenga andavamalila vanu vakalau na livambwe likumene.

Nnungu andimwaulila Noe adenge ingalava ikumene pakulota ainjile nae na likola lyake na kula likola lyavanyama.

Noe avaulila vanu kwida kwa livambwe, kanji vanavo vankumweka

Noe andivaulila vanu kwida kwa Livambwe, kanji vanao havamwigwilidile. Vanji vashinamweka Noe; na vanji vashinamangedya.

Noe na likola lyake vankuvatwala vanyama pakulota vavajele mu ingalava

Ingalava ayo ikamalilike, Noe andivatwala vanyama na andivajela nkati.