LISHOMO 1

Avanavo shitunduvangilo shambone

Acts 17:22

IKUVAIKIDILE UTENDE DASHI: Shitunduvangilo shako shivaikidile shitadye dukuduku, lodya ngala nyamani shaulota kutangola na valodye vanu vakwigwilíla mwaa shani ni shambone kwigwilila shautangola.

MWAKUTANDELA:

Tadya dukuduku. Tandola shakudya, valanganga nyamani shivatandeka vanu mushinamilo shavo au valanganga shoeshoe shilóta kuvanagwela vanu vakwigwilíla.

Paulipanganianga, kumbukila vinu vivanagwela na mangaikangilo a vanu vakwigwilíla, baada ya apo, tangola kulingana na vinu avyo.
Lodya ngala shaulota kutangola. Avanavo wakika kenga shitunduvangilo shako shinkulodya ngala kwavanu vakwigwilíla ntenga waukinavo na nyamani shaulota kuvaulila.
Lodya mwaa shani ntenga wako unkuvanavo mana. Avanavo wakika kenga vyautangola vinavapwashela vanu vakwigwilíla mushinamilo shavo. Ivavaikidile vaigwe shana kenga ntenga awo ulota kuvapwashela dashi mushinamilo shavo.

Paupanganianga mwaa, kumbukila doni: ‘Matatisho shani lavavenavo vanung’unumunu vapashipinga?’ Avanavo wakika kenga shitunduvangilo shako shinkulingana na shavalota vanavo.