LISHOMO 8

Tumila mikong’o vyakupundisha

Mateu 13:34, 35

IKUVAIKIDILE UTENDE DASHI: Dyangiya lipundisho lyako na mikong’o vikakamadyanga kulingana na vanu vakwigwilíla namomo imbande yaulota kupundisha.

Tandola mikong’o vikakamadyanga. Kenga mwashitandela Yesu tumila vinu vidikidiki pakulota kuvalanganga vinu vikumene, na vinu vikakamadyanga pakulota kuvalanganga vinu vyakukamadyanga. Haunanjadyedye vinu vikave mana vilota kutadya kukamadyanga kwa nkong’o wako. Lambela mavalelo lambone mu nkong’o wako lalingana na lipundisho lyauvamanyia vanu vakwigwilíla i vinu vilota kuvatadya vanavo kubabaika na kwigwidya mukavemwanavo.

Ava wakulola. Lola vinu vinatandeka mushilambo, shomya mabuku letu, na vaigwilile vanu vanamanya kupundisha. Pakulota ulule kutenda shinu asho, unkuulula kutwala mikong’o vyavandike pakulota udyangiye kupundisha kwako. Unkuulula kwandika mu lyaamba kutwala kukondya.
Vakumbukile vanu vakwigwilíla. Lambela mikong’o vya kuvikila mmitendo na vimanyika kwavanu vakwigwilíla. Lilaledye pakulota mikong’o vyako havinave vyakuta dyoni na vikave ishima kwaupande wavanu vakwigwilíla.
Pundisha imbande ikumene. Valanganga nkong’o ulingana na vinu vikumene, I vinu vidikidiki. Avanavo wakika kenga vanu vakwigwilíla havakumbukila shinu nkong’o kanji lipundisho lyake.