LISHOMO 14

Idapedya malove lavenavo mana

Vabalaniya 8:1

IKUVAIKIDILE UTENDE DASHI: Vapwashele vanu vakwigwilíla pakulota vakwodedye muwakati wauvalanganga mwaa wako, na lodya kula imbande ikumene inkukamulananga dashi na muti nayadavo áshila shaulota kupundisha.

MWAKUTANDELA:

Ávanavo shabaa. Lalyanga shana ikava kenga mwaa wako ulota kumanyia, kutadya kulota, au kuvapa dimongo vanu vakwigwilíla, na ivedoni, ikuvaikidile utangole kulingana na shabaa ya mwaa awo. Ávanavo wakika kenga dimbande dikumene dinkukupwashela kukamulanianga ishabaa yako.

Lyudye doni: ‘Vyakudya shani au vyakutaukanga shani vya vavenavo vanu vakwigwilíla kwaupande wa mwaa awo? Shakudya shani shavalota kutunduvanga au vyakutaukanga shani?’ Valanganga dimbande kulingana na vyakudya avyo pakulota vanu vakwigwilíla vaulule kukwoda, kwigwa shana, na kukubali shautangola.
Idapedya muti wa mwaa wako. Tambula muti wa mwaa wako kwa kujidyaujidya malove makumene la muti awo au kwa kutumila malove lakulingana na mwaa awo.
Igwiniya shana dimbande dikumene. Tandola dimbande dikumene dilingana na muti waulota kupundisha shana muwakati upangike.Haunavenavo dimbande dyoe dikumene, Igwiniya shana kula imbande, pumulila padyoko ukanava kwinjila imbande inji, lodya kenga shautangola shinkulingana na shaulota kutangola mushu.

Unkuulula kuvalanga dimbande dikumene ku shitunduvangilo sha mwaa wako pakulota vanu vakwigwilíla vodanange na wako au unkuulula kujidya kumwisho pakulota havanalivalive shautangwele.