LISHOMO 06
Shingumi shitunduvenge dashi?
Nnungu ni “lipata lya shingumi”. (Dimu 36:9) Wako unkwamini shinu ashi? Vanu vanji havanamini shinu kenga shingumi shumbigwe na Nnungu. Ikava kenga mwiu, bai shingumi shetu shumilidile vila, bila ishabaa yoeyoe. Kanji, ikava kenga Yeova ni aumbile shingumi, bai shanavo shinkuvanavo ishabaa, unamini shinu?a Tuke tulole mwaivalangila Ibibiliya kwaupande mwashitunduvangidile shingumi namomo tundamanya mwaa shani tunkuvanavo dishabaa dya kwamini.
1. Shilambo shumilidile dashi?
Ibibiliya inkushidoni: “Kunantandi Nnungu akandyengé kuwa na pai.” (Kutunduvanga 1:1) Vakumanya voe vankwamini kenga shilambo shinkuvanavo shitunduvangilo. Kanji Nnungu aumbile dashi? Nae anditumila “dimongo dyake”—imumu yanashwe—pakulota kuumba vinu uti, kenga galakishiya, dinondo na diplaneta.—Kutunduvanga 1:2.
2. Mwaa shani Nnungu andyumba shilambo shapai?
Yeova haumbile shilambo “kwabila ishabaa, kanji andyumba shilambo kwa ishabaa”. (Ishaiya 45:18) Nae andyumba shilambo pakulota live lyutu lyambone lya kunama vanu muwakati úkamalilika. (Shomya Ishaiya 40:28; 42:5.) Vakushomya vankwamini kenga shilambo ni shapagweka. Vanavo havakadidye shilambo shinji shivenavo vinu uti vyavalota vanu pakulota kunama.
3. Nyamani shitadya vanu kuvilingananga na vanyama?
Baada ya kumba shilambo, Yeova andyumba shingumi kutwala kuvika mwanavo. Shitandi, nae andyumba shilambo na vanyama. Badae, “Nnungu aninkandyanga munu mwaing’ope yake.” (Shomya Kutunduvanga 1:27.) Nyamani shivatenda vanu kuvilingananga na vinu vinji? Kwamwaa tumbigwe mwaing’ope yake Nnungu, wetu tunkuulula kulodya mavalelo lake, kenga linagwaledyo na ishaliya. Namomo Nnungu andituumba na limanyilo lya kuulula kulipundisha dinangodi na kunagwaledya vinu kenga, kuveda namomo kupuwanga na mushika. Na kuvilingananga na vanyama, wetu tunkuulula kulipudya kwa aijá atuumbile.
LAMBELA KUMANYA VYOE
Tunauka ndamanya shilodya kenga shingumi shindyumbigwa na shivalanga Ibibiliya kenga shilambo shindyumbigwa kwaupande wakuvaila. Tulipundisha nyamani kwake Nnungu kwaupande wa mavalelo lavavenavo vanu.
4. Shingumi vandikandyanga
Vanu vanatumbyangika vakakandyangavinu vajedya vipagwite mu shilambo. Wako wona dashi, aumbile vinu uti kunammaila shinu kutumbyangilika? Lola VIDEO, na badae mwambangila mwaa vyakudya vya mwina.
Shinu shani shipagwite shavajedya vanu?
Ing’ande inkudangegwa na munu. Napane nyani aumbile vinu uti? Shomya Vabalaniya 3:4, na badae mwambangile mwaa vyakudya vya mwina:
Vinu shani vyumbigwe mushilambo vikunagwela wako?
Wako unkwamini kenga shilambo na vinu vive mwanavo vindyumbigwa? Mwaa wa nyamani?
Wako ushindamanya?
Wako unkuulula kupata mashomo lanji na video kwaupande wa ing’ano ai mu jw.org, imbande “Je, Ni Kazi ya Ubuni” e “Maoni Kuhusu Chanzo cha Uhai”.
“Mwaa ing’ande uti idangegwa na munu,kanji nkúdenga wavinu uti ni Nnungu”
5. Ibibiliya ikavalanga kwaupandewa viumbi inkwigwania
Mu Kutunduvanga nnangu 1, Ibibiliya inkuvalanganga kwaupande wa kuumbigwa kwa shilambo na shingumi. Wako unkukulupila, au wona kenga vinu uti vandibunia? Lola VIDEO, na badae mwambangile mwaa vyakudya vya mwina.
Tushidoni Ibibiliya inkupundisha kenga shilambo shumbigwe mumaduva sita la disaa 24?
Wako wona kenga shivalanganga Ibibiliya inkuvaila? Mwaa shani wako unkwona davo?
Shomya Kutunduvanga 1:1, na badae mwambangile mwaa vyakudya vya mwina:
Vakushomya vankushidoni shilambo shikuvanavo shitunduvangilo. Shinu ashi shikulingana dashi na shaulipundishidye mu Ibibiliya?
Vanu vanji vona kenga Nnungu atumidile shingumi sha shinu shinji pakulota kuumba shingumi. Shomya Kutunduvanga 1:21, 25, 27, na badae mwambangile mwaa vyakudya vya mwina:
Tushidoni Ibibiliya inkupundisha kenga Nnungu atumidile shingumi sha shinu shinji pakulota kukandyanga dyomba, vanyama na vanu? Au nae aumbile vinu uti kulingana na “likola lyake”?b
6. Vanu ni viumbi vya pagweka vya Nnungu
Wetu tundivilingananga na vanyama vavaumbile Yeova. Shomya Kutunduvanga 1:26,na badae mwambangile mwaa vyakudya vya mwina:
Wetu Nnungu anditunkandyanga mwaing’ope yake, linagwaledyo na shididi shamuntima shatulodya, shikutupundisha nyamani kwaupande wa munu wake Nnungu?
VANU VANJI VANKUSHIDONI: “Shivalanga Ibibiliya kwaupande wa kumbigwakwa vinu ni ushwang’a.”
Wako ukumbukila dashi? Na mwaa wa nyamani?
KWAUNGWIPI
Yeova andyumba shilambo na shingumi.
Tukumbukilange
Ibibiliya inkupundisha dashi kwaupande mwashitunduvangidile shilambo?
Tushidoni Nnungu atumidile shingumi sha shinu shinji pakulota kumba makola lanji, au nae ni aumbile vinu uti?
Nyamani shitadya vanu kuva va pagweka?
LIPUNDISHE
Lola mipano vya vinu vilodya kenga apali aumbile.
“Vitu vya Asili Vinatufundisha Nini?” (Amkeni!, Septemba 2006)
Lola vatatamunu valota kuulula dashi kuvavalangangila vana vadikidiki nyamani shipundisha Ibibiliya kwaupande wa vinu vyumbigwe.
Lola ikava kenga Ibibiliya inkwigwania na kutumila kwa shingumi shinji pakulota kumba shingumi.
“Je, Mungu Alitumia Mageuzi Kuumba Aina Mbalimbali za Uhai?” (Makala iliyo kwenye mtandao)
Vanu vanji vankungila nkono shavavalanga vakushomya, kenga shingumi shalakadile kwa vanyama, yani vatumidile shingumi sha vanyama pakulota kumba shingumi shavanu, shinu ashi shiu?
a Mu lishomo 25, tunalipundisha malotelo shani lavénavo Nnungu kwaupande wa vanu.
b Mu Ibibiliya, lilove “likola lyake” vamba vipinga vya vinu uti vyumbigwe na vipumula.