Ubatisho—Ni ishabaa ikumene!

Yesu andipundisha kenga Vaklistu vaiu ivavaikidile vapate ubatisho. (Shomya Mateu 28:19, 20.) Kanji ubatisho ni nyamani? Na shilateka nyamani pakulota munu apate ubatisho?

1. Ubatisho ni nyamani?

Lilove “ubatisho” lyalakadile kushigalego mana ake “kushuvika”. Yesu papatile ubatisho, vandínshuvika mulundi lwa Yudani, na badae akauma “panda medi.” (Malukushi 1:9, 10) Kwa kunjedya Yesu, Vaklistu vaiu vankubatishwa vavashuvika mmedi, au kwinjidya mili uti mmedi.

2. Ubatisho ulodya nyamani?

Munu papata ubatisho, analodya kenga nae andilijaula jo mwene kumwe Yeova Nnungu. Munu alijaula dashi? Nae hakanava kubatishwa, anamwaulila Yeova mukushwali kenga anantumikila Nae mu maduva uti. Nae analivikila kulipudya kwake Yeova bai na kutenda malotelo ake kuva shinu shikumene mushingumi shake. Nae anatandola “kulishukulu jo mwene na . . . kwodedya ngwengwe” vyapundishidye Yesu na mpano wake. (Mateu 16:24) Kulijaula kwake na ubatisho kunampwashela nae kuvanavo umbodi wa pepipepi namu Yeova na vatumika vake.

3. Munu hakanava kupata ubatisho immaikidile atende nyamani?

Wako unkuulula kulipanganianga pakulota upate ubatisho, kwa kulipundisha kwaupande umwe Yeova na kuvanavo likulupililo kwake nae. (Shomya Vabalaniya 11:6.) Palinanopa likulupililo lyako na limanyilo, wako unauka mushu unnagwaledya Yeova. Kwabila kwambambidya, wako undauka nandadya ntenga kwaupande wake na undanama kwodananga na malotelo ake. (2 Timoti 4:2; 1 Nshuwau 5:3) Ikava kenga munu “ankunama pakulota kumpuwangidya Yeova,” ankuulula kwamuwa kujaula shingumi shake kwake Nnungu na kutwala kupata ubatisho.—Vakoloshu 1:9, 10.a

LAMBELA KUMANYA VYOE

4. Wetu tunkuulula kulipundisha na ubatisho umwe Yesu

Shomya Mateu 3:13-17 pakulota kulipundisha vyoe kwaupande wa ubatisho umwe Yesu. Badae mwambangile mwaa vyakudya vya mwina:

• Da Yesu abatishigwe avele ndyoko?

• Abatishigwe dashi? Vantajile vila medi padyoko?

Yesu baada yakupata ubatisho andítunduvanga shimadengo shapagweka shampele Nnungu mushilambo shapai. Shomya Lukashi 3:21-23 na Nshuwau 6:38, na badae mwambangile mwaa shakudya sha mwina:

• Yesu baada yakupata ubatisho, lidengo shani lyavikíle mulyutu litandi mushingumi shake?

5. Ubatisho ni ishabaa ikuvaikidile wako upate

Kunantandi unkuulula kuvanavo mangaikangilo kwaupande wa kulijaula na ubatisho. Pavedoni, wako unkuulula kukulumuka nkati mwimumu mpaka muwakati waulota kuvanavo wakika kenga unkuulula kutenda wamushi awo. Pakulota ulole mwavatadandile vanu vanji, lola VIDEO.

VIDEO: Tulota kuva dashi mbodi wake Yeova (1:11)

Shomya Nshuwau 17:3 na Tiyagu 1:5, na badae mwambangile mwaa shakudya sha mwina:

• Nyamani shilota kumpwashela munu pakulota ave tayali kupata ubatisho?

1. Patulijaula kumwe Yeova tunamwaulila kenga tulota kuntumikila ngwengwe nae

2. Patubatishwa, tuvalodya vanu kenga tundilijaula kwake Nnungu

6. Ubatisho mana ake ni kutenda imbande yalikola limwe Yeova

Patupata ubatisho, tunalyunganianga na likola lya upamo, lya mushilambo uti. Ata ikava kenga twalakadile mumautu au shinamilo shakuvilingananga, wetu uti tunavandadidya vanu vanji vinu vyatwamini na tunama kulingana namalamulo lákabadilika la mu Ibibiliya. Shomya Dimu 25:14 na 1 Patulu 2:17, na badae mwambangile mwaa shakudya sha mwina:

• Ubatisho wambukisha dashi umbodi wa munu namu Yeova na avalá valipudya kwake?

KWAUNGWIPI

Yesu andipundisha kenga Vaklistu vaiu ivaikidile vapate ubatisho. Pakulota kutenda davo, munu immaikidile avenavo likulupililo lyakunanopa kumwe Yeova, shinamilo shake shilingane na malotelo ake na alijaule jo mwene kwake Nae.

Tukumbukilange

• Ubatisho ni nyamani, na mwaa shani ni shinu shikumene?

• Kulijaula kunkwigwania dashi na ubatisho?

• Vinu shani vivaikidile munu atende hakanava kulijaula na kubatishwa?

LIPUNDISHE

Lipundishe ubatisho ni nyamani na ukavele ubatisho ni wakwashi.

“Ubatizo Ni Nini?” (Makala iliyo kwenye mtandao)

Kumbukila dindila shani dilota kuntadya munu kupata ubatisho.

“Upendo na Uthamini Wetu kwa Yehova Hutuchochea Kubatizwa” (Mnara wa Mlinzi, Machi 2020)

Manya wamushi watandile nnume jumo pakulota kubatishwa i kwakunnagwela vila.

“Walitaja Nijithibitishie Ukweli” (Mnara wa Mlinzi, Februari 1, 2013)

Manya shana mwaa shani ubatisho ni ishabaa yambone na ulota kulipanganianga dashi pakulota upate.

“Nibatizwe?” (Maswali Ambayo Vijana Kuuliza—Majibu Yafanyayo Kazi, Buku la 2, Sura ya 37)