LISHOMO 30
Vanu vauvanagwaledya vandaujila kwida ndanama kavili!
Kupela kunkwidanavo shipalodi na mauvilo. Ndyomana Ibibiliya inkushema kupela kuva mmongo. (1 Vakolintu 15:26) Mu lishomo 27, wako undilipundisha kenga Yeova andauka ndamalidya kupela. Mu lishomo ali wako undalipundisha shakulivikila shambone shimwe Yeova. Nae anadyuwa dimilioni dya vanu voe vapadile na vanavo vandanama muwakati uti. Da shinu ashi mwiu shindatandeka? Vanavo valota kudyuka pakulota vakaname kwashi kuwa au mushilambo shapai?
1. Yeova alota kutenda nyamani kwaupande wa vambodi na valikola vapadile?
Yeova ankulota namene kuvadyuwa avalá vapadile. Nnume jumo wakukulupilika wavanshema Jobi nae andívanavo wakika kenga Nnungu hanivaliva shinu akapela. Nae anímwaulila Nnungu doni: ‘Wako unangushema, na nangu nakwitika [mu shonga].’—Shomya Jobi 14:13-15.
2. Tunkumanya dashi kenga vapadile vandavadyuwa?
Yesu pavéle mushilambo shapai, Nnungu anímupa dimongo pakulota avadyuwe vanu vapadile. Kwampano Yesu aníndyuwa mwali jumo wa myaka 12, na mwana jumo wa namwili. (Malukushi 5:41, 42; Lukashi 7:12-15) Nae yadavo aníndyuwa muje Lashalu ivedavo apadile na wavanshikile mu maduva nsheshe Yesu aníndyuwa. Yesu andíshwali kwa Nnungu na akashidoni: “Lashalu umilila panda apa” Lashalu andyujila kunama—kavili! (Nshuwau 11:43, 44) Kwaumwiu valikola vake Lashalu na vambodi vandípuwanga namene!
3. Lilindililo shani lyavavenavo vambodi na valikola vako vapadile?
Ibibiliya indilivikila: “Kundapagwa kudyuka.” (Vitendo 24:15) Vanu vavadyuwidye Yesu muwakati wakunyuma havaukile kuwa. (Nshuwau 3:13) Vanavo vandípuwanga namene kujila kavili ndanama mushilambo shapai. Nimumo momo muwakati wakuvandika, Yesu andadyuwa dimilioni dya vanu voe kujila ndanama kavili ku palaishu mushilambo shapai. Nae atangwele doni uti vanu vavele muvyonga vandavadyuwa, ashi mana ake uti avalá vavele mu makumbukililo ake Nnungu—vandaujila ndanama kavili mpaka avalá vákavakumbukila munu kenga vandípagwa.—Nshuwau 5:28, 29.
LAMBELA KUMANYA VYOE
Lola mu Ibibiliya vimanyikilo vilodya kenga vapadile vandadyuka na ikava kenga shinu ashi mwiu shindatandeka. Na lola yadavo kudyuka kulota kukupa dashi lipambadyangidyo na lilindililo.
4. Yesu andilodya kenga ankuulula kuvadyuwa vapadíle
Lipundishe vyoe kwaupande umwe Yesu kwa ashilá shatandile kwa muje Lashalu. Shomya Nshuwau 11:14, 38-44, na badae mwambangile mwaa vyakudya vya mwina:
Tunkumanya dashi kenga Lashalu andípela?—Lola nshitali 39.
Yesu aníndyuwa Lashalu pakulota kunama mushilambo shapai, leka Lashalu papadíle aukile ndanama kuwa Yesu akandyulula kutenda shinu asho?
5. Vanu voe vandauka ndavadyuwa!
Shomya Dimu 37:29, na badae mwambangile mwaa shakudya sha mwina:
Dibilioni dya vanu vandavadyuwa, vanavo valota kuka ndanama kwashi?
Kuleka kuvadyuwa gweka vatumika vakukulupilika vamwe Yeova, Yesu andavadyuwa vanu voe. Shomya Vitendo 24:15, na badae mwambangile mwaa shakudya sha mwina:
Pavalota kuvadyuwa vanu vakupela, nyani akunagwadile wako namene umwone?
Ni shinu shíkakamadyanga tatamunu kumwimulanga mwanagwe mu lwono. Kwa inamuna yakulingana, hashiva shinu shakukamadyanga kwake Yesu kundyuwa munu wakupela
6. Kudyuka kunkuulula kukupa lipambadyangidyo na lilindililo
Kushomya mu Ibibiliya ashilá shitandeke kwa mwanagwe Yailu shinavapambadyanga na kuvapa ntima shii vanu voe vauvauvanga kwamwaa wakunkatoka munu mukupela. Shomya maimyo ala laiu mu Lukashi 8:40-42, 49-56.
Hakanava kundyuwa mwanagwe Yailu, Yesu anímwaulila tatake aashidoni: “Haunajope kulupíla tu.” (Lola nshitali 50.) Lilindililo lyakudyuka lilota kukupwashela dashi . . .
Ikava kenga andipela munu waunnagwaledya?
Shingumi shako shikava mu shijoidyo?
Lola VIDEO, na badae mwambangile mwaa shakudya sha mwina.
Lilindililo lyakudyuka livapale dashi lipambadyangidyo na ntima shii vatatavake Phelicity?
VANU VANJI VANKUSHIDONI: “Maimyo alo lakudyuka ni lambone kanji halatandeka shinu.”
Wako wonela mwashi?
Lyaandiko shani lyaulota kutumila pakulota kulodya kenga kudyuka mwiu kundatandeka?
KWAUNGWIPI
Ibibiliya indilivikila kenga dibilioni dya vanu voe vapadile vandadyuka. Yeova ankulota vanavo vaujile kunama kavili, na nae animupa dimongo Yesu pakulota atende shinu asho.
Tukumbukilange
Yeova namu Yesu valota kutenda nyamani kwa vanu voe vapadile?
Dibilioni dya vanu voe vavalota kuvadyuwa valota kuka ndanama kwashi—kuwa au mushilambo shapai? Mwaa shani wako unkutangola davo?
Wako unkuvanavo wakika kenga vanu voe vauvanagwaledya wako vandaujila ndanama kavili? Mwaa shani wako unkuvanavo wakika?
LIPUNDISHE
Lola midimu vyambone vilota kumpwashela munu ankatweke munu mukupela.
Da shana malamulo hakabadilika la mu Ibibiliya lankuulula kumpwashela munu auvauvanga kwamwaa wakunkatoka wake mukupela?
Kupililila mauvilo lankukatoka munu mukupela—Nyamani shivaikidile utende nelo (5:06)
Ulota kumpwashela dashi ndyoko auvauvanga kwamwaa wakunkatoka wake mukupela pakulota kulipililila?
Da shana munu valota kundyuwa pakulota akaname kuwa? Nyani hakavaikidile kundyuwa?