LISHOMO 48
Vatandole shana vambodi
Ni shambone kuvanavo vambodi pakulota kupagwa pamo muwakati walipuwilo na pakulota kutupwashela muwakati wakukamadyanga. Kanji Ibibiliya inkutumanyia kenga i vambodi uti vambone kwetu. Napanelo tulota kuvatandola dashi vambodi vakukulupilika? Kumbukila vyakudya avi.
1. Vambodi valota kukwambukisha dashi?
Patupita wakati woe twambanga mwaa na munu, kwali mu vyombo vyadyabali tunkuulula kwanjanga kunjedya munu ajo. Shinu ashi shinkuulula kutupwashela au mene. Kenga momo mwaivalangila Ibibiliya iishidoni, ‘aijá awena na valimanyilo andava walimanyilo, kanji aijá awena na vajinga andapata shaushanga.’ (Mikong’o 13:20) Vambodi vannagwaledya na vantumikila Yeova vankuulula kukupwashela kummandika nae ngwengwe na kumya wamushi wambone. Kanji kuvanavo vambodi vákannagwaledya Yeova vankuulula kutimbanga umbodi wetu namu nae. Ndyomana Ibibiliya inkutwaulila pakulota tuvatandole shana vambodi! Vambodi vetu vakava vanu vannagwaledya Yeova, shindava shinu shambone kwetu na kwavo vanavo momo. Nadoni tunkuulula “kwing’ana ntima shii na kunanawananga.”—1 Vateshalonika 5:11.
2. Yeova alota kuligwa dashi na kutandola kwako kwa vambodi?
Yeova anavatandola shana vambodi vake. ‘Nae avanagwaledya avalá vakwaloka ntima.’ (Mikong’o 3:32) Yeova alota kuligwa dashi tukavatandola vambodi vákannagwaledya nae? Nae kunnanyatila namene! (Shomya Tiyagu 4:4.) Kanji tukavaita vambodi vakunyata na kuvatandola vambodi vannagwaledya Yeova, nae andapuwanga na andatutandola kuva tuvambodi vake.—Dimu 15:1-4.
LAMBELA KUMANYA VYOE
Lola mwaa shani ni shinu shikumene kuvatandola shana vambodi, na lola yadavo mwashi mwakuvapatila vambodi valota kukupwashela mushingumi shako.
3. Lilaledye na vambodi vakunyata
Vanu vákannagwaledya Nnungu na vákaigwilila malamulo lake ni vambodi vakunyata. Lola VIDEO, na badae mwambangile mwaa shakudya sha mwina.
Vambodi vakunyata valota kutwambukisha dashi kwabila kulimanya?
Shomya 1 Vakolintu 15:33, na badae mwambangile mwaa vyakudya vya mwina:
Munu wainamuna shani alota kuva mbodi wakunyata kwako? Mwaa wa nyamani?
Shomya Dimu 119:63, na badae mwambangile mwaa shakudya sha mwina:
Nyamani shikuvaikidile ulambele kwa mbodi?
Kunda kwa shepo shimo kunkuulula kutimbanga vyepo vinji. Umbodi wakunyata ulota kukwambukisha dashi?
4. Vambodi vetu hainalateka shinu vave vashilinga shetu
Ibibiliya inkuvavalanga valume vavili va ku Ishilaeli yakala, vashishamegwa Yonatani namu Daudi. Yonatani ávele mwanagwe umu na ávele nang’olo kumpunda Daudi, ata ikava davo vanavo vandívanavo umbodi wakunanopa namene. Shomya 1 Samuwele 18:1, na badae mwambangile mwaa shakudya sha mwina:
Mwaa shani hainalateka shinu vambodi vetu vave vashilinga shetu au shinamilo shimo namu wetu?
Shomya Valoma 1:11, 12, na badae mwambangile mwaa shakudya sha mwina:
Mwaa shani vambodi vannagwaledya Yeova vankuulula kwing’ana ntima shii kula munu na muje?
Lola video, pakulota umanye mwashi nnemba mwaukidile navapata vambodi palyutu lyakashilindila. Lola VIDEO, na badae mwambangile mwaa shakudya sha mwina.
Kulingana na video, mwaa shani vatatavake Akil vashinangaikanga kwamwaa wa vambodi vavenavo nae kushikola?
Nyamani shishintadya Akil avanagwaledye vanavo?
Nae aulwile dashi kutema kuligwa kuva gweka?
5. Mwakuvapatila vambodi vambone
Lola mwashi mwakuvapatila vambodi vakukulupilika—na mwashi mwakuvalela mbodi wambone. Lola VIDEO.
Shomya Mikong’o 18:24 na 27:17, na badae mwambangile mwaa vyakudya vya mwina:
Vambodi vakukulupilika vapwashalananga dashi kula munu na muje?
Wako unkuvanavo vambodi vainamuna ai? Ikava kenga hauvenavo, ulota kutenda nyamani pakulota uvenavo vambodi vakukulupilika?
Shomya Vapilipo 2:4, na badae mwambangile mwaa shakudya sha mwina:
Pakulota kuvanavo vambodi vakukulupilika wako ikuvaikidile uve mbodi wambone. Ulota kuulula dashi kutenda davo?
Pakulota tuvenavo vambodi vakukulupilika, wetu ituvaikidile tuve vambodi vambone
VANU VANJI VANKUSHIDONI: “Shikumene ni kummanavo mbodi ata úkanammanya.”
Wako ukate dashi?
KWAUNGWIPI
Kuvatandola shana vambodi ni shambone kwetu na kunampuwangidya Yeova.
Tukumbukilange
Mwaa shani kuvatandola vambodi ni shinu shikumene kumwe Yeova?
Inamuna shani ya umbodi ivaikidile hatunavenavo?
Wako ulota kuvanavo dashi umbodi wambone na vanu vakukulupilika?
LIPUNDISHE
Lola mwashi vambodi vakukulupilika mwavalota kutupwashalela muwakati wakukamadyanga.
“Imarisha Urafiki Wako Pamoja na Wengine Kabla ya Mwisho Kufika” (Mnara wa Mlinzi, Novemba 2019)
Lola maoni lakuvikila mmitendo pakulota kuvatenda vambodi vambone.
Ikuvaikidile umanye nyamani kwaupande wa mbodi ku inteleneti?
Maimyo “Ngushinalota namene nguvenavo baba,” lola dishabaa dintadidye nnume jumo kuvalambela vambodi vaambi.