LISHOMO 54
Lidengo lya “ntumika wakukulupilika na wading’ano”
Yesu ni muti washipinga. (Vaepeshu 5:23) Nelo nae avele kuwa, ankuvalangalalela vakwoda vake mushilambo shapai kupitila “ntumika wading’ano na wakukulupilika.” (Shomya Mateu 24:45.) Yesu ni ammikile “ntumika” na animupa madalaka padyoko. Ata akavanavo madalaka alo ntumika ankuntumila Klistu na vanung’unumunu vake. Da shana ntumika wakukulupilika na wading’ano ni nyani? Nae ankutushunga dashi nelo?
1. “Ntumika wakukulupilika na wading’ano” ni nyani?
Yeova ngwenwge anantumila nnume au shipinga sha valume pakulota kuvalangalalela venentete vake. (Malakiya 2:7; Vabalaniya 1:1) Baada yakupela Yesu, vamyombe va ku Yelushalemu vashinatenda shinu asho. (Vitendo 15:2) Shinu asho shinkutandeka nelo, Yeova ankutumila shipinga shidikidiki sha vanang’olo vashipinga—Ibunge Ilangalela ya Mashaidi va Yeova—pakulota kujaula shakulya sha mwimumu na kupanganianga shimadengo shakwandadya ntenga. Shipinga asho ni “ntumika wakukulupilika na wading’ano wammikile nang’olo wake [Yesu]” pakulota kulangalalela madalaka alo. (Mateu 24: 45a) Uti vatenda imbande ya Ibunge Ilangalela ni Vaklistu vakutajigwa mauta na imumu yanashwe, vanavo vanauka ndalangalalela namu Yesu kuwa baada yakumalilika shingumi shave mushilambo shapai.
2. Ntumika wakukulupilika avapa dashi shakulya sha mwimumu venentete vake Yeova?
Yesu atedoni: ntumika wakukulupilika “andavapa shakulya vakwoda vake muwakati uvaikidile.” (Mateu 24:45b) Kenga mwashitupwashalela shakulya shamili shitupa dimongo na shingumi,—mapundisho a lilove lya Nnungu—lankutupa dimongo pakulota tuke mushu tukulupilika kumwe Yeova na kutandedya shimadengo shatulakadile Yesu. (1 Timoti 4:6) Tunapata shakulya ashi sha mwimumu kupitila mikutano vya pashipinga, mikutano vya isemu, mikutano vikumene, mu mabuku na video vigwania na Ibibiliya. Shakulya ashi shinatupwashela kumanya malotelo ake Nnungu na kunanowanga umbodi wetu namu nae.
LAMBELA KUMANYA VYOE
Lola mwaa shani tunkunnota “ntumika wakukulupilika na wading’ano”—Ibunge Ilangalela.
Ibunge Ilangalela inapanganianga shakulya sha mwimumu, midimu, na lipwashalelo kwa Mashaidi va Yeova mushilambo uti
3. Venentete vake Yeova ivavaikidile vave vakulipanga
Kulingana na malamulo lamwe Yesu, Ibunge Ilangalela inkupanganianga shimadengo shakwandadya ntenga sha Mashaidi va Yeova. Shinu ashi shinkulingana na ashilá shavashitenda Vaklistu vakala. Lola VIDEO.
Shomya 1 Vakolintu 14:33, 40, na badae mwambangile mwaa shakudya sha mwina:
Lyaandiko ali linkulodya dashi kenga Yeova ankulota venentete vake vatende imbande ya upangaji?
4. Ntumika wakukulupilika ni apanganianga shimadengo shetu shakwandadya ntenga
Kwandadya ntenga shivele shimadengo shikumene shavashitenda Vaklistu vakala. Shomya Vitendo 8:14, 25, na badae mwambangile mwaa vyakudya vya mwina:
Mu myaka miya vitandi nyani ashipanganianga shimadengo shakwandadya ntenga?
Da Patulu namu Nshuwau, vandíkubali midimu vyavajawíle vamyombe vanji?
Kwandadya ntenga ni shimadengo shikumene shapanganianga Ibunge Ilangalela. Lola VIDEO.
Yesu andívalanga kenga kwandadya ntenga ni shinu shikumene. Shomya Malukushi 13:10, na badae mwambangile mwaa vyakudya vya mwina:
Mwaa shani shimadengo shakwandadya ntenga ni shikumene ku Ibunge Ilangalela?
Mwaa shani tunkunnota “ntumika wakukulupilika na wading’ano”, pakulota apanganiange shimadengo shakwandadya ntenga mushilambo uti?
5. Ntumika wakukulupilika ankutupa midimu
Ibunge Ilangalela inkuvapa midimu Vaklistu mushilambo uti. Vanavo vamuwa dashi malamulo lakuvapa? Lola mwashi Ibunge Ilangalela yakala mwaishitandela shinu asho. Shomya Vitendo 15:1, 2, na badae mwambangile mwaa vyakudya vya mwina:
Nyamani shishidanavo matatisho pakati pa Vaklistu vakala?
Paulu, Balinaba, na vanji vannambadíle nyani pakulota kwangangola matatisho?
Shomya Vitendo 15:12-18, 23-29, na badae mwambangile mwaa shakudya sha mwina:
Vakanava kumya wamushi, Ibunge Ilangalela ishinalambela midimu vya Nnungu kwaupande wa shinu shoeshoe. Vanavo vashitenda dashi?—Lola mishitali 12, 15, na 28.
Shomya Vitendo 15:30, 31 na 16:4, 5, na badae mwambangile mwaa vyakudya vya mwina:
Tushidoni Vaklistu vakala vashinaigwilila midimu vyavashumya Ibunge Ilangalela?
Yeova alaliídye dashi kwigwilila kwavo?
Shomya 2 Timoti 3:16 na Tiyagu 1:5, na badae mwambangile mwaa shakudya sha mwina:
Ibunge Ilangalela inkumya dashi wamushi nelo?
VANU VANJI VANKUSHIDONI: “Ikava kenga wako unkwigwilila Ibunge Ilangalela, unkuvaigwilila vanu.”
Nyamani shikupa wakika kenga Yesu ankulangalalela Ibunge Ilangalela?
KWAUNGWIPI
Ibunge Ilangalela ni “ntumika wakukulupilika na wading’ano” atandalegwe namu Klistu. Vanung’unumunu ava vanajaula midimu na shakulya sha mwimumu kwa Vaklistu mushilambo uti.
Tukumbukilange
Nyani ammikile “ntumika wakukulupilika na wading’ano”?
Ibunge Ilangalela inkutushunga dashi wetu nelo?
Wako unkwamini kenga Ibunge Ilangalela ni “ntumika wakukulupilika na wading’ano”?
LIPUNDISHE
Lola mwashi Ibunge Ilangalela mwaitandela shimadengo shake nelo.
“Baraza Linaloongoza la Mashahidi wa Yehova Ni Nini?” (Makala iliyo kwenye mtandao)
Lola Ibunge Ilangalela mwaijaulila shakulya sha mwimumu shakukulupilika.
Vanang’olo va Ibunge Ilangalela vankuligwa dashi na shimadengo shavapele Yesu?
Mikutano vya pashipinga na mikutano vikumene vinkulodya dashi kenga Yeova ankulangalalela Ibunge Ilangalela?