MWAKWANJANGIDYA MWAA
Luk. 19:1-7
LISHOMO LYA 6
Ntima shii
Lilamulo líkabadilika: “Tundivanavo ntima shii nkati mumwe Nnungu wetu wakummalangangila ntenga wambone.”—1 Vates. 2:2.
Yesu atandíle nyamani?
1. Lola VIDEO, au shomya Lukashi 19:1-7. Badae jang’ula vyakudya vya mwina:
Mwaa shani vanu vanji havashinnota Shakeu?
Ata ikava davo, nyamani shintadidye Yesu kumwandadidya ntenga wambone Shakeu?
Wetu tulipundisha nyamani namu Yesu?
2. Ivaikidile tuvenavo ntima shii pakulota kuvandadidya ntenga wa Utawala vanu uti, bila kupambula.
Njedye Yesu
3. Nkulupile Yeova. Imumu yake Nnungu ni imwing’ile dimongo Yesu pakulota kwandadya ntenga, na ni imumu yoyo ilota kukupwashela wako. (Mat. 10:19, 20; Luk. 4:18) Ukajopa kumwandadidya munu ntenga, shwali unjugwa Yeova pakulota akwing’e ntima shii.—Vit. 4:29.
4. Haunavaukumu vanu. Panji tunkuulula kujopa kutangola na vanu vanji kwamwaa mavalelo lavo, kuva vatajili au idini yavoda. Kanji kumbukila:
Yeova namu Yesu vankumanya shavenavo munu mu ntima, wetu mene.
Hapali munu hakavaila kupata shididi shimwe Nnungu.
5. Avanavo ntima shii, tangola na ishima na lilaledye. (Mat. 10:16) Haunalote kupwatana. Munu hakanalota kwigwilila mitenga vyambone au wako ukona kenga munu ankulota kupwatana, malilanga mwaa kwaishima.—Mikon. 17:14.
NAMOMO LOLA
Vit. 4:31; Vaep. 6:19, 20; 2 Tim. 1:7