SHINAMILO SHA SHIKLISTU
Nanowanga likulupililo lyako kwaupande wa Lilove lya Nnungu
Lilove lya Nnungu linkuulula kubadili shingumi shetu. (Vabal. 4:12) Napavedoni, pakulota tupatangile mana midimu vyamu Ibibiliya, wetu ituvaikidile tuvenavo wakika kenga yanavo ni “Lilove lya Nnungu.” (1 Vates. 2:13) Wetu tulota kuulula dashi kunanowanga likulupililo lyetu kwaupande wa Ibibiliya?
Shomya dimbande padyoko dyamu Ibibiliya kula liduva. Muwakati waushomya, undauka ndanalela kenga Yeova ni mwene Ibibiliya. Kwampano, lalyanga midimu vipatikana mulibuku lya Mikong’o na manya mwashi mwakuvikila mmitendo midimu avyo mushinamilo shako.—Mikon. 13:20; 14:30.
Tunduvanga mpango wakulipundisha Ibibiliya. Lambela kumanya vinu vilodya kenga Ibibiliya indipumuliligwa. Mu Mwongozo wa Utafiti wa Mashahidi wa Yehova, lola muti ushidoni “Ibibiliya” na badae “Ipumuliligwe na Nnungu.” Wako momo undaulula kunanowanga likulupililo lyako kenga ntenga wamu Ibibiliya haubadilike, kwa kulalyanga dyabali dipatikana mu Nyongeza A3 mu Tafsiri ya Ulimwengu Mpya.
LOLA VIDEO MWAA SHANI WETU TUNKUKULUPILA . . . LILOVE LYA NNUNGU, NA BADAE JANG’ULA VYAKUDYA VYAATIKA:
Kwanalela kwa lishiti lya ing’ande yakulipudidya ku Karnak, Mishili, inkwakikisha dashi kenga Lilove lya Nnungu ni liu?
Wetu tunkumanya dashi kenga ntenga wamu Ibibiliya haubadilike?
Kushungigwa kwa Ibibiliya kunkukulodya dashi wako kenga yanavo ni Lilove lya Nnungu?—Shomya Ishaiya 40:8