Mwakutumilila divideo dya lipundisho lya Ibibiliya

Wetu tunkuvanavo divideo nsheshe dya lipundisho lya Ibibiliya pakulota kutumila ku kwandadya ntenga. Vyanavo vapanganiyenge kwa ishabaa shani?

• 

  Mwaa shani inkutubidi tulipundishe Ibibiliya?—Vyakulingana vandipanganiyanga pakulota kuntadya munu kuvanavo lilotelo lyakulipundisha Ibibiliya ata ikava kenga ankuvanavo idini yake. Vyanavo vindavapa ntima shii avalá vanalola pakulota kulambela majibu a vyakudya vikumene vya shingumi na vinavalanga dyabali díkakamadyanga divele mwanavo. Vyanavo vindavalanga mwashi mwakujugwila lipundisho lya Ibibiliya.

• 

  Mwaa shani inkutubidi tulipundishe Ibibiliya (vingwipi) avi vinkulingana na vyakulepa kanji avi vinkuvanavo didakika nnatu. Vyanavo vinkuululika kutumika shana mu disemu dyavanama vanu vákavenavo wakati woe pakulota kwambanga mwaa.

• 

  Mulipundisho lya Ibibiliya shitandeka nyamani? vandipanganiyanga pakulota kuntadya munu avenavo lilotelo kwa mpangililo wetu wakulipundisha Ibibiliya bule na pakulota kujang’ula vyakudya vyoe vyavanatenda vanu voe kwaupande walipundisho lya Ibibiliya.

• 

  Tunkukukalibisha lipundisho lya Ibibiliya vandipanganiyanga pakulota kunnodya nshikola wa Ibibiliya. Kwaumwiu, video avi vivele mu lyaamba lya mbili mulibuku Puwanga ngwengwe na shingumi!, video avi vinkuulula kulodyegwa muwakati wavambangila mwaa ibulushula Puwanga ngwengwe na shingumi!.

Kula video vinkuvanavo ishabaa yake yavapanganiyangididye, video avi wetu tunkuulula kulodya au kuntumididya munu junji ikaululika kutenda davo. Vakwandadya ntenga vankuvapa ntima shii pakulota validyavalakedye na vyanavo na vamanye kutumila shana ku kwandadya ntenga.