SHINAMILO SHA SHIKLISTU
Lilole umwene kenga mwakwanela Yeova
‘Yeova andavapuwangila venentete vake.’ (Di. 149:4) Ivedavo wetu ni tuvanu tukavele vakwaloka, nae ankulola mavalelo letu lambone na lyululilo lyatuvenavo. Myanda vinji, wetu tunkuulula kwona kukamadyanga kuvanavo maoni lambone kwaupande wetu tuvene. Wetu tunkuulula kulyona kenga hatuvenavo paida kwamwaa wainamuna yavatutanana vanu vanji. Au, wetu tukakumbukila makosha latutandile kala, tunkuulula kwambambidya ikava kenga Yeova mwiu ankutunagwaledya. Nyamani shilota kutupwashela wetu tukaligwa kwainamuna ai?
Kumbukila kenga Yeova ankwona ashilá shavakaulula vanu kwona. (1 Sam. 16:7) Asho mana ake nae ankwona ashilá shatukaulula wetu tuvene kulyona. Tunkulambwalela namene, kwamwaa Ibibiliya inkutupwashela wetu kumanya shana mwashi mwatwanela Yeova. Wetu tunkuulula kumanya shana shinu ashi tukashomya mishitali vyamu Ibibiliya na maimyo lalodya mwashi Yeova mwavanagwaladyedya vanu valipudya kwake.
LOLA VIDEO TADYA NTIMA WAKO KUVANAVO WAKIKA PAMEO PAKE YEOVA, NA BADAE JANG’ULA VYAKUDYA VYAATIKA:
Nkong’o wa nkútukuta na tatake utupundisha nyamani kwaupande wa mwashi mwatwanela Yeova wetu?
Ikava kenga munu atandile lidambi likumene andilikanyalidya kwangangola umbodi wake namu Yeova, alota kuulula dashi kutadya ntima wake kuvanavo wakika pameo pake Yeova?—1 Nshuw. 3:19, 20
Nung’unumunu aukile ndapatangila dashi mana kwa kushomya na kukumbukilanga maimyo lamwe Daudi na lamwe Yoshapati?